دەوڵەتی تورک لە چەند هەرێمێکی زاگرۆس هێرشی پاکتاوی دەست پێ کرد
دەوڵەتی داگیرکەری تورک لە چەند گۆڕەپانێکی گوند و کوێستان و گوندەوارەکان، ئۆپەراسیۆنی پاکتاوی دەست پێ کرد. ژمارەیەکی زۆر سەربازی تورک لە هەرێمەکە نیشتەجێ کراون.
هێرشی داگیرکاری دەوڵەتی تورک
دەوڵەتی داگیرکەری تورک لە کاتژمێرەکانی سەرلەبەیانییەوە لەسەر چەند گوند و کوێستان و گوندەوارێکی هەرێمی زاگرۆس ئۆپەراسیۆنی پاکتاوی دەست پێ کرد. ئۆپەراسیۆنەکە لە گوندەکانی سۆر و زەڤکانی ئێلباک و سنووری خاشکان، درشک، لێسەک، دێراڤی هەرێمی گەلی دریان و گوندی سۆریان و باسان و باسانی بەرز و دێلەزی گەڤەر، دەستی پێ کردووە.
لە کاتژمێرەکانی سەرلەبەیانییەوە هەزاران سەربازی تورک بە زرێپۆش و هەلیکۆپتەرەوە لە ناوەندی جولەمێرگ و ناوچەکانی دەوروبەرییەوە هێنراونەتە هەرێمەکە.
مێرگ و کوێستانەکان گەمارۆدراون
ئەوکاتەی ڕێگەکانی مەیدان بەلەک و گەلی زەینەب و دەشتی گەلی دۆلان لەلایەن سەربازانی تورکەوە گیرا، ئەو کەسانەی دەچوونە ئەوێ، لێپرسینەوەیان لێ دەکرا و پشکنینی ناسنامەیان دەکرا.
دەشتی سیان و گەلی ماسیرۆی گوندی لێسەک سەر بە ناوچەی ئێلباکی وان، ناڤشیان، چیای مۆر لە گوندی سۆریانی گەڤەر، شیشۆل لە گوندی سۆر، دەشتەکانی کرمک، شەرمەرزان و کانی درێژ لە گەلی پینیانشی لە دەشتی داڤانی سور، لەلایەن سەربازەکانەوە گەمارۆدران و سەرباز جووڵەی پێ کراوە.
هێرش بۆ سەر تلۆران ١٣ ڕۆژە بەردەوامە
ئەو هێرشەی لە ١١ ی حوزەیران لەسەر هەرێمی چیای سیپێرێز و کانییەکانی هۆر و بێرێ سور کە گوندەکانی تلۆرانی خواروو و تلۆرانی سەرووی لێیە، ١٣ ڕۆژە بەردەوامە. لەو گۆڕەپانەی کە چیاکانی سیپێرێز و ئۆمەری لێیە، بەردەوام فڕۆکەی بێ فڕۆکەوان لە ئاسمان دەسووڕێتەوە.
