هەپەگە بەرپەرچی هێرشەکانیدایەوە: داگیرکەرێک بەسزا گەیەندرا
ناوەندی راگەیاندن و چاپەمەنی هەپەگە رایگەیاند، کە سوپای تورکی داگیرکەر هێرشی کردووەتە سەر سەنگەرەکانی بەرخودان لە چەمچۆ. لە بەرپەرچدانەوەی گەریلاشدا داگیرکەرێک سزادراوە.
لە راگەیەندراوی ناوەندی راگەیاندن و چاپەمەنی هەپەگەدا هاتووە، "سوپای تورکی داگیرکەر هێرشە داگیرکەرییەکانی بۆ سەر هەرێمەکانی پاراستنی مێدیا درێژەپێدەدات".
لەبارەی وردەکاری هێرشەکانیش ئەم زانیارییە راگەیاند:
"لە هەرێمی زاپ:
٩ی ئادار کاتژمێر ٠٦:٣٠ داگیرکەران هێرشیان کردە سەر سەنگەرەکانی بەرخودانمان. هێزەکانمان بۆ ئەوەی خۆیان بپارێزن بەرپەرچیان دانەوە و لە ئەنجامدا داگیرکەرێک بە سزا گەیەندرا.
هێرشەکانی سوپای تورکی داگیرکەر:
٩ی ئادار لە گۆڕەپانی شاخی ئۆترێی مەتینا، بە درۆنی بۆمبرێژکراو هێرشکرایە سەر هێزەکانمان.
٩ی ئادار لە گۆڕەپانی شاخی ئۆرتێی مەتینا، شاخی بەهار و چەمچۆ سەنگەرەکانی بەرخودانمان ٦ جار بە فڕۆکەی شەڕ بۆردومان کران.
٩ی ئادار لە گۆڕەپانی بەرخودانی شاخی ئۆرتێی مەتینا و گۆڕەپانەکانی چەمچۆ و سیدا سەنگەرەکانی بەرخودانمان ٣٧ جار بە کاتیوشا، تانک و چەکی قورس بۆردومان کران".
هـ . ب
