ناوەندی راگەیاندن و چاپەمەنی هەپەگە رایەگیاند، سوپای تورکی داگیرکەر ٢ جار بە بۆمبی قەدەغەی بەهێز، ٥ جار بە فڕۆکەی شەڕ، بە دەیان جاریش بە کاتیوشا و چەکی قورس سەنگەرەکانی بەرخودانی گەریلای بۆردومان کردووە.

لە راگەیەندراوەکەدا ئەم زانیاریانە هاتوون:

"١.هێرشەکانی سوپای تورکی داگیرکەر بە بۆمبی قەدەغە و چەکی کیمیایی؛

لە ٢١ی کانونی یەکەمدا سەنگەرەکانی بەرخودانی گەریلا لە نزیک گوندی سیدای هەرێمی چەمچۆی سەربە شێلادزێی ناوچەی ئامێدی ٢ جار بە چەکی قەدەغە کە هێزی تەقینەوەی زۆریان هەیە بۆردومان کران.

٢. هێرشەکانی سوپای تورکی داگیرکەر؛

لە ٢١ی کانونی یەکەمدا هەڕێمی کانیسارک و دەرێی حرچی گارە، دەشتاییەکانی گوندی مەرانێ و گوندی شیێ، شاخی بەربزینی خواکورک و گۆڕەپانی بەرخودانی جودی ٦ جار بە فڕۆکەی شەڕ بۆردومان کران.

لە ٢١ی کانونی یەکەمدا گۆڕەپانەکانی بەرخودانی شاخی ئێف ئێم و شاخی ئامێدی و هەرێمی چەمچۆی سەر بە شێلادزێی ئامێدی و سەنگەرەکانی بەرخودانی گەریلا لە نزیک گوندی سیدا، بە چەکی قورس بە دەیان جار بۆردومان کران".

هـ . ب