وەزیرانی شەڕی دەوڵەتی تورک بە هاوکاری لەگەڵ پارتی دیموکراتی کوردستان پەدەکە، هەڵمەتێکی نوێی دیپلۆماسی شەڕیان دژی تەڤگەری ئازادیی کوردستان و گەلانی ناوچەکە دەستپێکردووە. ڕۆژی ١٤ی مانگ هەریەک لە هاکان فیدان وەزیری دەرەوەی دەوڵەتی تورکیا و ئیبراهیم کالین جێگری میت و وەزیری شەری تورکیا یاشار گولەر سەردانی بەغدایان کرد. لە ڕاگەیاندنەکانەوە دەردەکەوێت دەوڵەتی تورک و پەدەکە دەیانەوێت عێراق بەشداری پلانەکانیان بکەن، ئەوەی نەیانتوانی بەرامبەر کورد و تەڤگەری ئازادی بیکەن، بە ئەنجامی بگەیەنن. هەرچەندە پێدەچێت عێراق لە زۆر بابەتدا لەگەڵ دەوڵەتی تورکدا ڕێککەوتبێت، بەڵام هێشتا ڕوون نییە لە چ ئاستێک و چۆن ڕێککەوتوون. هاوسەرۆکی پارتی ئازادی و دیموکراسی ئێزیدخان (PADÊ) حسێن حاجی، هاتووچۆی کۆبوونەوەکانی نێوان عێراق و دەوڵەتی تورک و پەدەکە بۆ ئاژانسەکەمان هەڵسەنگاند.

حسێن حاجی هاوسەرۆکی پادێ، ڕایگەیاند، ماوەیەکە چوارچێوەیەکی گفتوگۆ لە نێوان بەغدا-هەولێر و ئەنقەرەدا هەیە، سەردانی وەزیرانی دەوڵەتی تورک بۆ بەغداش لەسەر ئەو بنەمایە بووە، ئامانجەکانی دەوڵەتی تورک بەم شێوەیە دیاری کراون: " دەوڵەتی تورک دەیەوێت ئەو ناوچانەی هەرێمی ئازادی گەریلاکانە گەمارۆ بدات و هێرشی بکات، دەیانەوێت حکوومەتی باشووری کوردستان و حکومەتی عێراق لەم ئۆپەراسیۆنەدا بەشداری بکەن. لە ڕاستیدا باشووری کوردستان دەسەڵات و دەرفەتی بەشداریکردن لە ئۆپەراسیۆنێکی لەو شێوەیەی نییە، لەنێوان خۆیاندا گرژی و ناکۆکییەکانیان زۆرە و بڕیارەکانی دادگای فیدراڵی عێراق دۆخی ئەوانی تێکداوە.

حسێن حاجی زانیاریدا کە بەشێک لە بەرپرسانی ئەمنی عێراق دەڵێن لەسەر بنەمای ئۆپراسیۆنی هاوبەش هاوپەیمانییان لەگەڵ دەوڵەتی تورکیا نەکردووە و دۆخەکەیان بەم شێوەیە هەڵسەنگاندووە: "دەوڵەتی تورکیا دەیەوێت لە ناوچە سنورییەکە 'ناوچەی ئەمن' بۆ خۆی دروست بکات" پێش ئێستا عەفرین و گرێ سپی و سەرێکانییان بەو پلانە داگیرکردبوو. بەڵام جیاوازی لە نێوان سیستەمی دەوڵەتی عێراق و سوریادا هەیە. سوریا بە هۆی کێشە ناوخۆییەکانەوە وەک دەوڵەتی عێراق بەهێز نییە. عێراق دەوڵەتێکی گرنگە لە ڕۆژهەڵاتی ناوەڕاستدا. باوەڕناکەم حکوومەتی عێراق لەم ئاستەدا هاوپەیمانی لەگەڵ دەسەڵاتدارانی تورکیا بکات. چونکە دەوڵەتی تورک دەیەوێت تا موسڵ و کەرکوک و سلێمانی نزیک ببێتەوە. دەیانەوێت جارێکی تر ئیمپراتۆریەتی عوسمانی لەسەر خاکی عێراق و ناوچەکە زیندوو بکەنەوە.

"دەوڵەتی تورک دەیەوێت شەڕێکی هەرێمی بخوڵقێنێت"

حسێن حاجی سەرنجی بۆ ناکۆکییە ناوخۆییەکانی نێوان هێزە سیاسی و ئەمنییەکانی عێراق ڕاکێشا و بەم شێوەیە درێژەی پێدا: "سیاسەتمەداران و دەسەڵاتدارانی عێراق دەڵێن کە ئەمە ڕوونادات و قبووڵی ناکەن". پەرلەمانی عێراق بڕیاریداوە هێزە سەربازییە بیانییەکان لە عێراق نەمێنن. دەوڵەتی تورک دەیەوێت لە هەرێمەکەدا شەڕ دروست بکات، دەوڵەتی تورک لە ناو قەیراندا گیری خواردووە بۆ ئەوەی خۆی لێ ڕزگار بکات، ڕوو لە ناوچەکە دەکات. دەوڵەتی تورک دەیەوێت بەرژەوەندییەکانی لەگەڵ عێراق پەرەپێبدات هەتا ڕێگای بازرگانی و نەوتی دووبارە بەگەڕ بخاتەوە.

'عێراق ناچار نییە خاکەکەی ڕادەستی دەوڵەتی تورک بکات'

هاوسەرۆکی پادێ، ڕایگەیاند، ئەگەر دەوڵەتی داگیرکەری تورک ئۆپەراسیۆنێکی بەرفراوان دەستپێبکات، هەموو ناوچەکە ئاگر دەگرێتەوە وتی: "بڕوام وایە عێراق ناکەوێتە ناو ئەم پیلانەوە. عێراق تازە لەژێر کاریگەریی داعش دەرهاتووە، ماوەیەکە دەستی بە چاکسازی کردووە، عێراق ناچار نییە بەشداری ئۆپەراسیۆنی دەوڵەتی تورک بێت لەسەر خاکی خۆی و خاکەکەی تەسلیمی تورکەکان بکات. بەڵام دەوڵەتی تورکیا بەردەوامە لە داواکارییەکانی."

'داوای گەڕانەوە و ئاوەدانکردنەوەی شەنگالمان دەکەین'

لە درێژەی قسەکانیدا حسێن حاجی ئاماژەی بەوەشکرد، ئەگەر ڕێککەوتنێک لە پشت پەردەوە هەبێت، کاریگەری لەسەر شەنگال دەبێت وتی: "دەوڵەتی تورک هەموو ڕۆژێک بەبیانووی پەکەکەوە هێرش دەکاتە سەر شەنگال، و تا ئێستاش عێراق بێدەنگی نواندووە. ئەمە گەورەترین ڕەخنەیە لە حکومەتی عێراق. بەڵام ئەگەر شەنگال بکەوێتە بەردەم ئەم پلانە، هەوڵ دەدەین لە ڕێگەی سیاسیەوە ڕووبەڕووی پلانەکان دەبینەوە. شەڕەکە لە بەرژەوەندی شەنگالدا نییە، ئێستا کۆمەڵگاکەمان دەگەڕێتەوە بۆ شەنگال. هەندێک لایەنی سیاسی دەیانەوێت گەڕانەوە و ئاوەدانکردنەوەی شەنگال شکست پێ بهێنن.

'عێراق پێویست ناکات جارێکی تر شەڕ، کۆچ و تاڵانکاریی بکێشێتە سەر خاکەکەی'

لەکۆتایی هەڵسەنگاندنەکەیدا، هاوسەرۆکی پادێ، ڕایگەیاند، باوەڕی بەوە نییە عێراق بەپێی بەرژەوەندیی دەوڵەتی تورک و حکوومەتی باشووری کوردستان پەیوەندی بکەوێتە ناو سیاسەتی شەڕەوە وتی: "عێراق پێویست ناکات جارێکی تر ڕووبەڕووی شەڕ، کۆچ و هەژاری ببێتەوە. ڕەنگە عێراق بۆ پاراستنی سنوورەکانی هەندێک بڕیار بدات، تا ئێستا دەسەڵاتدارانی عێراق سەربازانی تورکیا بە هێزی بیانی دەزانن و دەیانەوێت عێراق بەجێبهێڵن. عێراق وردە وردە خۆی کۆ دەکاتەوە، دڵنیا نیم کە ڕێگە بە شەڕێک لەسەر خاکەکەی بدات و خاکەکەی داگیر بکرێت.