هێزەکانی ئێران ٤ کۆڵبەریان بریندار کرد
لە ئەنجامی هێرشی هیزەکانی ئێران بۆ سەر کۆڵبەران ٤ کۆڵبەر بریندار بوون.
بە پێی هەواڵەکانی کۆلبەرنیوز، لە ئەنجامی ٤ هێرشی جیاوازی هێزەکانی ئێران لە ڕۆژهەڵاتی کوردستان ٤ کۆلبەر بریندار بوون.
ڕاگەیەندراوە کە لە ئەنجامی تەقەکردنی هێزەکانی ئێران، فەردین نازداری تەمەن ٣٣ ساڵ بە سەختی بریندار بووە.
ئەو کۆڵبەرەی کە گواستراوەتەوە بۆ نەخۆشخانە لە هۆش خۆیدا نییە و باری تەندروستی سەختە.
ڕاگەیەندراوە کە حەبیب ڕەجایی تەمەن ٥٢ ساڵی خەڵکی شاری جوانڕۆ لە ئەنجامی هێرشی هێزەکانی ئێراندا بریندار بووە.
محەمەد کەریم نەژادی خەڵکی بانە و بەهرام معروفی نژادی تەمەن ١٩ ساڵ لە ئەنجامی هێرشی هێزەکانی ئێراندا بریندار بوون.
