جه‌نگاوه‌رانی كەبه‌ده‌هە له دژی ئۆتۆمبێله‌كانی پۆلیس و سه‌ربازه‌كان چالاكیان ئه‌نجامدا
جه‌نگاوه‌رانی كەبه‌ده‌هە رایگه‌یاند، كه یه‌كینه‌كانیان له دژی ئۆتۆمبێله‌كانی پۆلیس و سه‌ربازانی تورك چالاكیان ئه‌نجامداوه.
جه‌نگاوه‌رانی شه‌هید زیلانی بزوتنه‌وه‌ی شۆڕشگێڕی یه‌كگرتووی ژنان (كەبه‌ده‌هە) له دژی چه‌ته‌كانی ئاكه‌په-مه‌هه‌په چالاكیان ئه‌نجامدا.
كەبه‌ده‌هە له‌باره‌ی ئه‌و چالاكیانه‌ی یه‌كینه‌كانیان ئه‌نجامیانداوه رایگه‌یاند، كه ٢٧ی ئادار به شه‌و له دژی پۆلیسه‌كانی تورك له گه‌ڕه‌كی جومهوریه‌تی گه‌ڤه‌ر كاتێك ئۆتۆمبێله‌كانی پۆلیس له گه‌ڕاندابوون به ته‌قه‌مه‌نی و چه‌ك چالاكیان كردووه، زیان به ئۆتۆمبێلی زرێپۆشی پۆلیس گه‌یشتووه و پۆلیسه‌كان له ئۆتۆمبێله تێكشكاوه‌كه‌دا هه‌ڵاتوون.
له درێژه‌دا راگه‌یه‌نراوه ٢٨ی ئادار له كاتژمێر ١١:٣٠ له دژی كاروانێكی سه‌ربازی داگیركه‌ر كه له ٢٠-٣٠ ئۆتۆمبێل پێكده‌هات چالاكی به مۆلۆتۆف ئه‌نجامدراوه، له كاروانه‌كه‌دا سه‌ربازه‌كان له ئۆتۆمبێلێكی كرپی هه‌ڵاتوون و چوونه ئۆتۆمبێلێكی تره‌وه. دوو ته‌گه‌ری ئۆتۆمبێله‌كه سوتێنران، زیانێكی زۆر به كامێرا، سیستمی چه‌كی ئۆتۆمبێلی زرێپۆش كه‌وت و سه‌ربازانی داگیركه‌ری تورك به هه‌ڕه‌مه‌كی ده‌ستڕێژی گولـله‌یان له ده‌وروبه‌ر كردووه.
له كۆتایشدا رایگه‌یه‌نراوه، ٢٨ی ئادار به شه‌و له دژی بینای ئاكه‌په له‌سه‌ر شه‌قامی ئیپه‌كیوڵوی گه‌ڤه‌ر له كاتژمێر نزیكه‌ی ٢٢:٠٠- ٢٣:٠٠ به ته‌قه‌مه‌نی ده‌ستكرد چالاكی ئه‌نجامدراوه.
هـ . ب
