دلێنەۋ ېاۋنەری کۊنگرەو نەتەۋەېې کورڎسانی (کەنەکە)ی پی جۊرە زانیارییش دان:

جە گرڎ ېاگێۋە جیھانییەنە کورد وەرانوەروو ھجوومە ئەرەگیرېیەکاو ترکیەی مڎرۊوە .

جە شاروو پاریسوو پایتەختوو فەڕەنساینە جارێۋە تەر ڕێکوزیێوە کوردی، بە نامۍ ( دلێنەۋ ڕۊشنۋیریی کوردی) جە پاریس کریۊنە ئامانجوو ھجوومەکاو دۊڵەتوو ترکیەی . ھجوومەکەنە (3) ھامۋڵاتێ کوردێ گیانشا بەخشا (٤) ھاموڵاتێ تەرێچ زامڎارێ بییۍ .

ماوێوە فرەن دۊڵەتوو ترکیەی بە گرڎوو ھێزیشۆ جە کورڎساننە و بەروو ۋڵاتیچۆ، جەنگێۋە سەرتاسەرییش جە دژوو گەلوو کوردی بەرپا کەرڎەن و ھەڕەشۍ جە گرڎوو داموو دەزگا کوردییەکاو ئۊرووپای مکەرۊ، ئاکاموو ھەڕەشەکایچش ھجوومکەردەی بێ سەروو کوردەکا جە پاریسەنە. بە ڕێککەوت نییا، کە ئې ھجوومە هاموەختا چەنی (١٠) یەمین ساڵگێڵایۆ و شەھیڎبییەی یەرە ژەنە سیاسەتمەڎارەکاو کوردی، کە جە ساڵەو( ٢٠١٣)یەنە  کە جە پاریسنە شەهیدێ کریێ .

دۊڵەتوو ترکیەی بە زھنیەتوو دەسەڵاتداریی ڕژێموو فاشیستی، ئاکەپە-مەھەپەی ھەڕەشەکاو وێش بەئاشکرا جە دژوو گەلوو کوردی،بەېاگۍ ېاۋنۊ .

ئا ھاموڵاتییە کورڎێچە کە بە مەڵامەتوو جەنگوو فرەلاېەنەو دۊڵەتوو ترکیەیۆ وڵاتشا جیا ئاستەن، بەناچاری جە چنڎ وڵاتێۋە ئۊرووپینە، پێسە پەناھەنڎەی ئەرەنیشتۍ بیێنۍ .

چن وڵاتێوە ئۊرووپێی بە پلەو ېووەمی فەڕەنسا، خاس هاگاڎاروو ئا ھەڕەشە و دەسکیسە و ھجووماو ترکیەینێ، وەلۍ ھیچ ڕا و ېاگێۋەش پەی پارێزنای ھاموڵاتییا کوردی جە وەرانوەروو ھجوومەکانە، نەگێرتەنەنە وەر. خودوو ترکیەی ئازاېەتی چی بێھەڵۋیسی و بێدەنگییەو وڵاتا ئۊرووپای ھورگێرۊ و پې لەونە ھجوومەکاش کەرۆ .

ڕۊشن و ئاشکران، کە ھجوومەکەو پاریس-ې دژوو گەلەکەیما بە دەسکیسەو و عەقڵیەتوو ڕژێموو فاشیستیی ئاکەپە-مەھەپە ی کریان،

بکوش و ھجوومکەر ھەرکەس ھەن با بۊ، ۋەلۍ بڕیاروو ھجوومەکەی جە ئەنقەرەوە و جە لاېەنوو ڕژێموو ئاکەپە-مەھەپە و دەزگاو سیخوڕیی میتوو ترکیەیۊ درېان .

داوا جە حکومەتوو فەڕەنسای مکەرمۍ بەزووېې ھجوومکەرەکێ و پاڵپەشتێ ھجوومەکەی ئاشکرا کەرا، دەروبان و کەشوهەوای سڵامەت  پەی ھاموڵاتییا کوردی بگێرانە وەر . ھامۋەخت داوا جە وڵاتە ئۊرووپاییەکاو یەکێتیی ئۊرووپای مکەرمۍ، کە ھەڵوێسشا بۊنە وەرانوەروو ھجوومە تیرۊرستییەکاو ترکیەی ئەرەگیری دژوو گەلوو کوردی، کە ھجوومەکاشا و پەلامارەکاشا مڎرنا .

ئێمە داوا جە گرڎوو گەلەکەیما مکەرمۍ، جە ھەریاگێوە دنیێنە با، نەمەنارە و بێھەڵۋێسێ نەبا.

کۊنسەو وێڕاۋەبەریی کەنەکەی..

بڕۊکسل ٢٣-١٢-٢٠٢٢

ھ.ئ