داواکاری کۆماری ئامەد لەسەر ناوی پەکەکە\کەجەکە لەدژی دەبەپە دەستی بە ئۆپراسیۆنی سیاسی کرد. لە هەمان کاتدا دەست بە پشکنین لە هەموو باڵەخانەکانی دەبەپە کرا.

لە چوارچێوەی لێپرسینەوەی ئامەدا، لە ٩ شاری باکوری کوردستان پۆلیسی تورک هەڵیکوتایە سەر باڵەخانەی پارتەکە و ماڵان.

دادگا بڕیاری دەستگیرکردنی ١٥ کەسیداوە. لە ئەنجامی ئۆپراسیۆنەکەدا کەسکین بایندر هاوسەرۆکی گشتی دەبەپە، خەیرەدین ئاڵتون و سەڤال گولمەز بەڕێوەبەرانی دەبەپەی ئامەد، زەکی ئیرمەز هاوسەرۆکی دەبەپەی شڕنەخ، شەنگول پۆڵات و هارون ئوکتای هاوسەرۆکانی دەبەپەی وان، هەدیە ئەنمەک هاوسەرۆکی دەبەپەی روحا، ئەتهەم ئونال و زولەیخا ئاسلان هاوسەرۆکانی دەبەپەی دیلۆک، شەرەفەدین ئاسلان هاوسەرۆکی دەبەپەی مێردین، بە گشتی ١٤ کەس دەستگیرکران.

لە ئاگری و ئێلحیش پۆلیس هەڵیکوتایە سەر باڵەخانەی پارتەکە. راگەیەندرا کە بریاری دەستگیرکردنی هاوسەرۆکانی دەبەپەی هەردوو شارەکە دراوە.

دەستگیرکراوەکان ئەمڕۆ بۆ ئامەد دەگوازرێنەوە.

ف.ق