لە چوارچێوەی لێپرسینەوەی سەرۆکایەتی داواکاری گشتی کۆماری بەدلیس، ئەم بەیانییە، لە خیزان و تەتوان و گوندەکانی بەدلیس، لە هەرێمی گەلی کارکەری ناوچەی وەستان و وان، بە پاساوی "ئەندامێتی ڕێکخستن" و "هاوکاریکردنی ڕێکخستن" هەڵکوترایە سەر چەندین ماڵ. تا ئێستە زیاتر لە ٤٠ کەس دەستبەسەرکراون.

هێشتاش هەڵکوتانەسەر لە گوندەکان بەردەوامە و هاتوچۆ لە چەندین گوند قەدەغەکراوە. کەسە دەستبەسەرکراوەکان براون بۆ بەڕێوەبەرایەتی پۆلیسی بەدلیس و فەرماندەیی هەرێمیی جەندرمەی تورک. بڕیاری نهێمی لەسەر دۆسیەکە دراوە و تا ٢٤ کاتژمێر چاوپێکەوتنی پارێزەران قەدەغەکراوە. لەنێو کەسانی دەستبەسەرکراودا، ژن و بەساڵاچوو هەن. هەروەها ئۆپەراسیۆنی دەستبەسەرکردن و گەمارۆدان لەسەر گوندەکان بەردەوامە.

بەپێی زانیارییەکان هەندێک کەس کاتی دەستبەسەرکردن لێیان دراوە، دەرگا و پەنجەرەی ماڵان شکێنراوە.