لە شاری کەرکوکی باشوری کوردستان بڕیارە ئەمرۆ کاتژمێر ٣ی پاشنیوەڕۆ، بە ئامادەبوونی سەرجەم حزبە کوردستانیەکانی کەرکوک جگە لە پەدەکە، یادی جەژنی نەورۆز و ٣٢ هەمین ساڵرۆژی ئازادی كەركوك، لە ڕاپەرینە مەزنەكەی بەهاری ١٩٩١ دەکرێتەوە بە کردنەوە ئاگری نەورۆز لەسەر قەڵای کەرکوک، وە هێزە ئەمنییەکان لەحاڵەتی ئامادەباشیدان و ڕێوشوێنی توند گیراوەتەبەر بۆ بەڕیوەچوونی نەورۆز و سەری ساڵی کوردی لە شارەکە.

ئەوە لە کاتێکدایە لە ئەمساڵدا حزبە کوردستانیەکان لە شاری كەركوكی باشوری کوردستان هیچ ئاهەنگێكی شایی ناگێڕێن، حزبە کوردستانیەکان دەڵێن: "بەهۆی ئەوەی لە باكوور و رۆژئاوای نیشتمانەكەماندا، هەزاران مرۆڤ گیانیان لەدەستدا و هەزارانی دیكەش دەربەردر بوونە، و زیانێكی زۆری ماددی بەر ناوچەكانیان كەتووە، بەهۆی كارەساتی سروشتی بومەلەرزەوە، لێرەوە داواكارین لە خودای گەورە كۆچكردوان بە هەشتی بەرین شادبكات و سەبوری و ئارامیش بە كەسوكاریان و سەجەم میلەتەكەمان بدات و  هیوای زووچاكبونەوەش بۆ بریندارەكان دەخوازین".

ژ.ت