سه‌ندیكای رۆنامه‌نووسانی باشوری كوردستان رایگه‌یاند، كه له ساڵی 2021دا 187 حاڵه‌تی پێشێلكاری به‌رامبه‌ر به رۆژنامه‌نووسان و دامه‌زراوه میدیاییه‌كان ئه‌نجامدراون و 35 رۆژنامه‌نووس ده‌ستبه‌سه‌ر كراون.
سه‌ندیكای رۆژنامه‌نوسانی هه‌رێمی كوردستان له شاری سلێمانی راپۆرتی پێشێلكارییه‌كانی مافه‌كانی مرۆڤ به‌رامبه‌ر به رۆژنامه‌نووسانی ئاشكرا كرد.
به‌گوێره‌ی راپۆرتی سه‌ندیكاكه، له ساڵی 2021دا به گشتی 187 جار مافی رۆژنامه‌نووسان و دامه‌زراوه میدیاییه‌كان پێشێلكراوه. 35 رۆژنامه‌نووس ده‌ستگیركراون، 22 جاری هێرش كراوه‌ته سه‌ر رۆژنامه‌نووسان، سێ كه‌ناڵی ته‌له‌ڤزیۆن و نوسینگه‌كانیان داخراون.
له هه‌ولێر 33 حاڵه‌ت، له سلێمانی 20 حاڵه‌ت و له دهۆكیش 3 حاڵه‌تی پێشێلكاری مافی رۆژنامه‌نووسان تۆمار كراون. هه‌روه‌ها له هه‌ڵه‌بجه، كه‌ركوك، خانه‌قین، موسڵ، به‌غدا و نه‌جه‌فیش رۆژنامه‌نووسان كراونه‌ته ئامانج.
هـ . ب
