بە گوێرەی هەواڵێکی تۆڕی مافەکانی مرۆڤی کوردستان هێزەکانی پۆلیس لە بنکەی "چەشمە سفید"ی شاری نورئابادی لوڕستان، هەڵیانکوتاوەتە سەر ماڵێک لە گوندی گۆیژە و لە ئەنجامی تەقەکردندا کچێک بە ناوی رازیە رەحمانی تەمەن ١٨ ساڵ کوژراوە.

ئەو ناوەندە لە زاری کەسێکی نزیک لە بنەماڵەی کوژراوەکە هەواڵەکەی پشتڕاست کردووەتەوە و ئەو سەرچاوەیە وتویەتی: رۆژی پێنج شەممە ٣١ی جۆزەردان ( ٢٠ی حوزەیران) هێزەکانی پۆلیس بە بێ مۆڵەتی یاسایی و بە پاساوی بوونی ماددەی هۆشبەر هەڵیانکوتاوەتە سەر ماڵی شوکورڕەزا رەحمانی ".

ئەوەشی خستووەتەڕوو، دوای ئەوەی دەمەقاڵێکی دروستبووە یەکێک لە پۆلیسەکان تەقەی کردووە و فیشەکێکی بە سەری رازیەوە ناوە و کوشتوویەتی.

رووداوەکانی تەقەکردنی هێزە ئەمنی و سەربازییەکانی ئێران لە بازگەکان و دەرەوەی بازگەکان لە حاڵەتەوە بووەتە دیاردە و ساڵانە دەیان کەس کە ژن و منداڵیشیان تێدایە لە رۆژهەڵاتی کوردستان و سەرتاسەری ئێران بەهۆی ئەو هێرشانەوە دەبنە قوربانی.

هـ . ب