شەنگالیەکان بەکارهینانی چەکی کیمیاییان شەرمەزار کرد
دانیشتووانی شەنگال دژی بەکارهێنانی چەکی کیمیایی لەلایەن دەوڵەتی داگیرکەری تورکەوە لە ناوچەکانی گەریلا، خۆپیشاندانیان ئەنجامدا و بە دەنگی بەرز پشتیوانیی خۆیان بۆ گەریلا دەربڕی.
ئێوارەی ئەمڕۆ لە ناوەندی شارۆچکەی شەنگال ڕێپێوانێکی جەماوەریی دژی بەکارهێنانی چەکی کیمیایی لەلایەن دەوڵەتی تورکەوە لە ناوچەکانی گەریلا ئەنجامدرا.
بەشداربووانی ڕێپێوانەکە پانکارت و ئاڵا و وێنەی گەریلا شەهیدەکانیانی چەکی کیمیاییان بەرزکردبووەوە و ڕایانگەیاند؛ وەک هەموو پێکهاتەکانی شەنگال بەکارهێنانی چەکی کیمیایی دژی گەریلاکانی کوردستان شەرمەزاردەکەن.
لە درێژەی ڕێپێوانەکەدا بەشداربووان دروشمەکانی “بژی بەرخۆدانی گەریلا”، “بژی بەرخۆدانی زاپ” و “شەهید نامرن”یان دەوتەوە.
ف.ق
