پەرلەمانتاری عێراق، سۆران عومەر بەئامانجگرتنی هاوڵاتیانی مەدەنی لەلایەن دەوڵەتی تورکەوە شەرمەزارکرد و گوتی: "بە فەرمی داوامان لە حکومەتی عێراق کردووە، سنوورێک بۆ ئەم پێشێلکارییانە دابنرێت".
دوێنێ دەوڵەتی داگیرکەری تورک بە فڕۆکەی بێفڕۆکەوان لە نزیک شارەدێی خەلەکان ئۆتۆمبیلێکی کردە ئامانج و سێ هاوڵاتی مەدەنی شەهیدبوون. لەم بارەیەوە، پەرلەمانتاری عێراق، سۆران عومەر لە هەژماری خۆی لە تۆڕی کۆمەڵایەتیی فەیسبووک پەیامێکی بڵاوکردەوە.
سۆران عومەر شەهیدکردنی سێ هاوڵاتییەکەی شەرمەزار کرد و گوتی: "بە فەرمی داوامان لە حکومەتی عێراق کردووە سنوورێک بۆ ئەم تاوان و پێشێلکارییەی سەروەری عێراق و هەرێمی کوردستان دابنێت".
هەروەها دەڵێت: "ئەوەشی لە ناوخۆ سیخوڕیی بۆ ئەو کارانە دەکات بەشدارە لە تاوانی گەورە دەرهەق بە گەلی خۆی".
