لە دەشتاییەکانی گوندی خربێکوری هەرێمی ماوای ناوچەی حەسکیفی ئێلح لە ١٨ ی حوزەیرانەوە هێرشی داگیرکاری دەستی پێ کردووە.

بەگوێرەی زانیارییەکان لە نیوەی شەودا شەڕ هەڵگیرساوە و هاوتوچۆ لە گوندەکە قەدەغەکراوە، پەیوەندی گوندەکە لەڕێگەی ئینتەرنێت و تەلەفۆنەوە پچڕاوە.

ڕاگەیاندراوە، هاوتوچۆی هەلیکۆپتەر لە ئاسمانی گوندەکەدا زیادی کردووە. پارێزگاری باتمانی دەوڵەتی داگیرکەر ڕایگەیاند هاتوچۆی گوندەکە تا ٣ ی تەمموز قەدەغەیە.  

ئاگری

ڕاگەیاندراوە لە دامێنی چیای ئارارات-گلداغ و هەرێمەکانی تر، بە بەشداری سەرباز و پۆلیس و جەردەوانەکان، ئۆپەراسیۆنێکی سەربازی دەستی پێ کردووە. زانراوە جمجوڵی هەلیکۆپتەرەکان لە ئاسماندا زیادی کردووە و هاوتوچۆ لە چەند کوێستانێک قەدەغەکراوە.