به‌ڕێوه‌به‌رایه‌تیی پۆلیسی پارێزگای دهۆك لە پەیجی فەرمیی خۆی لە فەیسبوك بڵاوی كردەوە: پاشنیوەڕۆی ئه‌مڕۆ تیمەكانیان له‌ سنووری شارۆچكەی به‌رده‌ڕه‌ش، ئاگادار كراونەتەوە لە بوونی تەرمێك لە ناوچەكە.

ئاماژە بەوەیش كردووە: تیمەكانیان چوونەتە ناوچەكە ‌و ته‌رمی ژنێكیان دۆزیوەتەوە كه‌ شوێنەواری گوللـه‌ به‌جه‌سته‌یه‌وه‌ هەیە.

به‌ڕێوه‌به‌رایه‌تیی پۆلیسی پارێزگای دهۆك، ئامەژەی بەوەداوە تەرمەكەیان، ڕه‌وانه‌ی پزیشكی دادی دهۆك كردووە ‌و تائێستا نەناسراوەتەوە، بەڵام پێشبینی ده‌كەن، ته‌مه‌نی ٣٠ بۆ ٣٥ ساڵان بووبێت و دۆسیەیان بۆ ڕووداوەكە كردووەتەوە بە مەبەستی دۆزینەوە  تۆمەتباران ‌و ڕادەستكردنیان بە دادگا.

ف.ق