عەگیدۍ جە ڕاو عەگیدەکاو ئازاڎیی کورڎستاننینە ملۊ ڕاوە. عەگیدێوە پەیجۊروو فەلسەفەو فیدایەتیی گەشمەرڎە زیلانی. عەگیدێوە فیدایی ڕابەرایەتی و گەلەکەیش. ئا ڕۊڵە ئازا عەگید کورڎستانا. پێسە نامێ و ناسنامەکێش ئازا و کورڎستانی و شۊڕشگێڵن و میلیتانوو ئاپۊیی. هامڕا عەگید بە مردایرەی و هەڵوێسی فیداییانەش ٦ساڵێ پێناوو کۊشیای ئازاڎیی گەلوو کورڎینە بێوچان و بە ورە‌ێوە پۊڵاینۊ کۊشیۍ.

یووەمین چەخماخەو ناکۊکی وەراوەر بە ئەرەگیرا 'زمانوو ئەدۍ'

دوژمناو گەلی کورڎی دایمە واستەنشا کە گەلوو کورڎی جە کولتوور و عادەتوو  کورڎی دوورۍ وزاوە، دلۍ کولتووروو وێشانە تاوناشاوە. وانای زوانی ئەدایی  بییەن خەیاڵ پەی زارۊڵاو کورڎی و حەسرەتوو ئی خەیاڵینە بە زمانوو بێگانەی فێرۍ وانای و نویستەیی با. "محەمەد هەمزە" یۊ چا زارۊڵا بۍ کە حەر جە گولانەییوە ئی خولیا دڵشنە شکڵش گێرت و وەختۍ ژنیش تاوۊ بە زوانوو ئەڎێش دەرس بوانۊ، بزێوە گەرم کەوت سەروو لچە گولانەکاش. وەلێم، خەیاڵەکەش بە سنووردارکەرڎەی وەنای کورڎی لاو داگیرکەراوە مەرد. ئیترنەتاواش خەیاڵەکەیش ژیونۊ. ئینە چەخماخێوە بۍ پەی ناکۊکی  وەراوەر بە ئەرەگێری و و ئا سیسەمە ئەرەگێرا کە کە سەروو کورڎسانیرە سەپیا.

ئی ویروو مەنەیرەیە یارایێ بێوێنە دلێشنە ئاوا کەرۍ

ئی چەخماخە بی بە ئاویروو کۊڵیایۊیۍ ڕووەو ئازاڎی و خولیای ئازاڎی. پەی چەنەگێڵای ئازاڎییوە جمووجووڵوو ئاپۊئشناسی و وێش ئامێتەو کۊشیای ئازاڎیی گەلوو کورڎی کەرۍ. "محەمەد" پەی گرڎوو ناکۊکییەکاش جە فیکر و فەلسەفەو ڕابەر ئاپۊینە جواب وێزێوە  و زیاڎتەر وێش چا فیکر و ئایدیۊلۊژیانە تاونێوە. ئەم ویر و مەنەیرەیە یارایۍ بێوێنەش دلێشنە ئاوا کەرڎ. بە هجووموو چەتەکاو داعشی پەی سەروو کورڎی زیاڎتەر هەستش بە ئێشوو گەلوو کورڎی کەرڎ، وەروو مردایۊ ڕوەو هجووموو ئەرەگیرا، کۊشیا و ساڵەو ٢٠١٦ بەشداریی ڕیزەکاو گەریلایش کەرڎ. چی کۊشیاینە نامۍ وێش کەرڎە بە عەگید کورڎستان، وەروو ئانەی پێناوو نیشتمانەکەیش کورڎستانینە بە دڵ و گیان ئاستێوە بەرزنە ئازایی و گینفیدایی تۊمار کەرۊ. ڕازیایۊ و و وەشەویسیی کورڎستانی جە ڕوخسارو هەڤاڵ عەگید‌ینە ڕەنگە دێوە و پتەوی و سەرکەشیی کەشەکا کورڎستانی، دڵشنە بۍ بە یارایۍ کە پێسە فەرماندار عەگیدی پێناوو کۊشیای ئازاڎیی گەلوو کورڎینە بە ئازایی جەنگ کەرۊ و کۊشیای تۊمار کەرۊ.

سات بە ساتوو ژیوای وێش جە فەلسەفەو فیدایەتیی پەکەکەینە قووڵ‌ کەرێوە

فیکر و مەنەیرەی ئاپۊیی کەسایەتیێوە بەقووەت و یاراش دلۍ هەڤاڵ عەگیدینە ئاوا کەرۍ، ڕۊ بە ڕۊ زیاڎتەر هەست بە ماتەوزەو دلێش کەرۍ و گەرەکش بۍ ئی ماتەوزەیە ورچەرخنۊ پەی کۊشیایۍ بەقووەتی پەی مسۊگەرکەرڎەی ئازاڎیی جەسەیی رابەر ئاپۊی. وەروو ئانەی پەی قۊناغوو ‌‌دماتەروو گەلوو کورڎی  بۊ بە  جوابدەرەوەو کەسایەتیی مێلیتانی ئاپۊیی جە وێشنە ئاواش کەرۊ. پێسە یۊ جە مێلیتانە فیداییەکاو ڕابەر ئاپۊی بە گرڎوو قۊرەتوو وێشۊ کۊشیای ئازاڎیی بەرۍ ڕاوە. وەروو ئانەی ئازاڎیی جەسەیی ڕابەر ئاپۊی مسۊگەر بۊ گرڎوو ژیوایش تەرخان کەرڎ. هەڤاڵ عەگید بە جەنەویەرڎەی سەروو فیداییبییەی و مسۊگەرکەرڎەی ئازاڎیی جەسەیی ڕابەر ئاپۊی، کەسایەتێۍ مێلیتانێکی پەکەکەییش جە وێشنە ئاوا کرد. پارتوو کرێکاراو کورڎستانی "پەکەکە" بە ڕەنج و فیدایەتیی وێشۊ مشناسیۊ. هەڤاڵ عەگید وەروو ئانەی ئی فیدایەتییە جە کەسایەتیی وێشنە ئاوا کەرۊ جە ئاستێوە بەرزنە درێژەش بە کۊشیای دا و سات بە ساتوو ژیوایش زیاڎتەر وێش جە فەلسەفەو فیدایەتیی پەکەکەینە قووڵ‌ کەرێوە. هەڤاڵ عەگید لە زاناییش بۍ پانەی، کە بە ئازاڎیی ڕابەرایەتی کەسایەتی کورڎیچ ئازاڎ بۊ و جە بنەو دەسوو و ئەرەگیرەکا ڕزگارش بۊ؛ سەروو ئی بنەمێوە و ژیوایشپاسە بەرۍ سەر کە بۊ بە لایقوو ڕابەرایەتیی پارتەکەیش.

تەنیا وێش بە ئازاڎیی گەلوو کورڎیوە سنووردار نەکەرۍ

سەروو خەتەو وێفیداکەرڎەیۊ، سەروو خەتەو زیلانی، وێئامادەکەرڎەی پەی ڕابەرایەتی، بی جوابێوە فرە گەورە، ئا چێوێ بێنێ کە هەڤاڵ عەگید ئاواتشا پەی وازۍ. بە چەنەویەرڎەی سەروو خەتەو فیداییبییەیۊ لوا دلۍ ڕیزەکاو هێزی تایبەتی. ڕۊڵەی ئازاو نیشتمانی وەروو ئانەی ڕابەرایەتی، شەهیداو و گەلیچ بۊ بە جوابدەرەوەو جە ئاستۍ فیدایینە و بە ئاواکەرڎەی کەسایەتیی فیدایی جە وێشنە درێژەش بە کۊشیای ئازاڎیی گەلوو کورڎی دا. جە لاێوە بە ئامێتەبییەی چەنی کەسایەتیی گەشمەرڎا، ئا کەسۍ جە پێناوو ئازاڎیی جەسەیی رابەر ئاپۊی و ئازاڎیی گەلینە جە گیانیشا ماێشا نیارە؛ مڵکدارییش جە گەشمەرڎا کەرڎ و جە لاێوە ‌تەرۊ بەتەمامەتی و گرڎلایەنە وێش ئامێتەو فیکر و فەلسەفەو رابەر ئاپۊی کەرڎ. عەگیدە یاراکەو کورڎستانی چوون ڕۊڵێوە هیلالی بەپیت، تەنیا وێش بە ئازاڎیی گەلوو کورڎیوە سنووردار نەکەرڎ و جە ئاستێنە کە ئازاڎیی گرڎوو مرۊڤایەتیی بە ئامانج گێرۍ کۊشیۍ.

ساتێ ژیوایشنە نەبێ دوور جە ڕابەر ئاپۊی ژیوۆ

ئاد ئانەی زانێ کە ئانە کە ئا هێزشە چاڎینە ئاوا کەرڎەن سەرۊکایەتین، ئانە کە ئێستێ سەروو کەشەکاو کورڎستانیوە بەئازاڎی ژیوا،  ئینا سایۍ رابەر ئاپۊیۊ و فرە دەسکەوتای ‌تەرێچ، کە رێکوستەی ئاپۊیی و گەلوو کورڎی و کەسایەتی و شۊڕشگێڵنانی کورڎی پەنەش یاوێنێ بە ڕەنج و کۊشیای رابەر ئاپۊیۊ مسۊگەر بییەن چی ڕوانگەوە؛ ساتێ جە ژیانیشنە نەبێ، کە دوور جە ڕابەر ئاپۊی و بە بۍ ویرۊکەرڎەی جە ڕەنج و کۊشیای ڕێبەر ئاپۊی ژیوۊ. عەگیدی ئازاو نیشتمانی جە ١٨ نیسانوو ٢٠٢٢ جە ئاکاموو هجوومێ هەوایی دەوڵەتی ئەرەگیروو تورکیانە جەنی هەڤاڵ چیاگەری بە پلۍ بەرزەو شەهادەتی و بە ئاستوو فیداییێ دمایینامای یاوۍ. فیدایەتی گەشمەرڎاو رۊڵە ئازایەکا کورڎستانی مۊرەو وێش جە تاریخی بێهامتاو کۊشیای ئازاڎیی گەلوو کورڎی دا، مۊرەو فیدایەتیی هەڤاڵ عەگیدیچ سەروو ئی دەفتەرو کۊشیایۊ زیاڎە بییە. کۊشیای و فیدایی هەڤاڵ عەگیدی جە ویروو گرڎوو مرۊڤایەتیینە تا حەتان زیندە مەنۊوە.

نامۍ و دمانامۍ: محەمەد هەمزا

ئشناسیا بە: عەگید کورڎستان

یاگۍ و وەختوو جەئەدابییەی: ١٩٩٨ هەولێر

یاگۍ و وەختوو بەشداربییەی: ٢٠١٦ کەلار

یاگۍ و وەختوو گەشمەرڎەبییەی: ٢٠٢٢ زاپ