ڕاگەیەندرا ئەو فڕۆکە بێفڕۆکەوانەی سەر بە دەوڵەتی داگیرکەری تورک کە لە شارۆچکەی چیمەنی کەرکوک لەلایەن هێزەکانی بەرگری ئاسمانی عێراقەوە خرایە خوارەوە، لەئامادەکاری هێرشدا بووە.
راگەیەندرا دوای ئەوەی فڕۆکە بێفڕۆکەوانەی دەوڵەتی داگیرکەری تورک، کە ئەمڕۆ لەلایەن سیستەمی بەرگریی ئاسمانی عێراقەوە لە شارۆچکەی چیمەنی کەرکووک خرایە خوارەوە، دەوڵەتی تورک ناچاردەبێت دانی پێدا بنێ و لە لایەن میدیای فەرمی خۆیەوە ڕایگەیاند، کە فڕۆکەکە لە جۆری (ئاکسونگور) بووە ولە ئامادەکاری ئەنجامدانی هێرشدا بووە لە دژی پەکەکە.
کاتژمێر ١٠:٢٥ـی خولەکی ئەمڕۆ، فڕۆکەیەکی بێفڕۆکەوانی دەوڵەتی داگیرکەری تورک، لەلایەن سیستەمی بەرگریی هێزی ئاسمانی عێراقەوە لە کەرکووک خرایەخوارەوە.
هاوکات، عەمید ڕوکن عەبدولسەلام حەموودی، جێگری فەرماندەی بەرگریی ئاسمانیی-ناوچەی باكووری سوپای عێراق ڕایگەیاند: "خستنە خوارەوەی فڕۆکەکەی پشت ڕاستکردەوە و ئاشکرا یکرد کە فڕۆکەکە لە سنووری سلێمانییەوە هاتبوو و ئاسمانی شارەدێی چیمەنی لە كەركووك بەزاندبوو و بە فەرمانی فەرماندەی هێزەكانی بەرگریی ئاسمانیی عێراق خراوەتە خوارەوە."
