لە گۆڕستانی شەهید دڵشێر لە گوندی دگری ناوچەی تربەسپی تەرمی شەهید محێدین محۆ ناسراو بە مەزلوم تربەسپی بەخاک سپێردرا.

لە چوارچێوەی گرتنەبەری رێوشوێنی ئەمنی لە دژی بڵاوبوونەوەی ڤایرۆسی کۆرۆنا، تەنها کارمەند و ئەندامانی هێزەکانی خۆپاراستن، ئەنجومەنی خانەوادەی شەهیدان و خانەوادەی شەهید محۆ لە مەراسیمی بەخاکسپاردنیدا ئامادە بوون.

حەسەن عوبێد هاوسەرۆکی ئەنجومەنی خانەوادەی شەهیدانی هەرێمی جزیر لە مەراسیمەکەدا قسەی کرد و سەرەخۆی ئاڕاستەی خانەودەی شەهید و هاوڕێکانی کرد.

عوبێد هاوکات ئاماژەی بەوەش کرد کە بە هەزاران گەنجی باکور و رۆژهەڵاتی سوریا بە مەبەستی پاراستنی گەل و رزگارکردنی خاکەکەیان، گیانیان بەخت کرد و بوون بە مەشغەلانی رۆناککردنەوەی رێگای ئازادی و دوارۆژ.

عوبێت تیشکیشی خستە سەر ئەوەی ئەوان لەسەر رێچکەی شەهیدان بەردەوام دەبن و وتی:"ئێمە بەڵێن دووپات دەکەینەوە کە تا رۆژی بەدیهاتنی ئەو ئامانجانەی شەهیدانمان گیانیان بۆ بەخت کردووە، بەردەوام دەبین لە تێکۆشان و رێچکەی شەهیدان."

دواتر ناسنامەی شەهید مەزلوم خوێنرایەوە و رادەستی خانەوادەکەی کرا.

لە کۆتایی مەراسیمەکەشدا تەرمی شەهید بە وتنەوەی دروشم بەخاک سپێردرا.

ز.ش