ده‌نگه‌كانی شارۆچكه‌ی ئه‌ردیش ژمێردرانه‌وه و دیسان هه‌ده‌په سه‌ركه‌وت
له ناوچه‌ی ئه‌ردیش هه‌ده‌په سه‌ركه‌وتنی به‌ده‌ستهێنابوو، به‌ڵام له‌سه‌ر داوای ئاكه‌په ده‌نگه‌كان ژمێردرانه‌وه.
له هه‌ڵبژاردنی ٣١ی ئاداری شاره‌وانیی ناوچه‌ی ئه‌ردیش-ی سه‌ر به پارێزگه‌ی وان له باكووری كوردستان پارتیی دیموكراتیی گه‌لان (هه‌ده‌په) سه‌ركه‌وتنی به‌ده‌ستهێنا. هه‌ده‌په به جیاوازی ٣ هه‌زار ده‌نگ به‌سه‌ر ئاكه‌په‌دا سه‌ركه‌وتبوو به‌ڵام ئاكه‌په له ده‌سته‌ی هه‌ڵبژاردن تانه‌ی له ئه‌نجامه‌كه دابوو و داوای سه‌رله‌نوێ ژماردنه‌وه‌ی ده‌نگه‌كانی كردبوو. پاش ٧ ڕۆژ له ژماردنه‌وه‌ی ده‌نگه‌كان دیسان هه‌ده‌په سه‌ركه‌وتنی به‌ده‌ستهێنایه‌وه.
s.m
