ئازادکردنی نورجان ئاسڵان لە گرتووخانەی ژنانی ئەرزنجان، بۆ ماوەی سێ مانگ دواخرا. دەستەی ئیداریی و چاودێریی گرتووخانەکە ڕایانگەیاند، ئازادکردنەکەی بە بیانووەکانی "هەڕەشەیە بۆ سەر ئاساییشی کۆمەڵایەتی، ئامادە نییە بۆ چوونە ناو کۆمەڵگە، پرۆسەی چاکسازی تەواوەتی وەرنەگرتووە"، "بارودۆخی باش نییە" و "نیشانەکانی پەشیمانی تێدا نییە" دواخراوە.

نورجان ئاسڵان کە لە ناوچەی نسێبینی مێردین لە ماوەی بەرخۆدانی ئیدارەی خۆبەڕێوەبەریدا دەستبەسەرکرا، ئاماژەی بەوە کرد لیژنەکە بەبێ ئەوەی چاوپێکەوتنی لەگەڵ بکات، ڕاپۆرتەکەی ئامادە کردووە. ئەسڵان وتی، لەگەڵ ئەویشدا، ئاستەنگ بۆ ئازادکردنی گەلێک لە زیندانییەکان دروستکراوە.