دوكاندارانی ٤ شاری ڕۆژهه‌ڵاتی كوردستان مانیان گرت
دوكاندارانی ڕۆژهه‌ڵاتی كوردستان له دژی سیاسه‌تی په‌راوێزخستن و بێكاركردنی هاووڵاتیان له لایه‌ن كۆماری ئیسلامی ئێرانه‌وه، له ٤ شار دوكانه‌كانیان داخست و ئیدانه‌ی حكوومه‌تی ئێرانیان كرد.
دوكاندار و بازرگانانی ڕۆژهه‌ڵاتی كوردستان بۆ ئیدانه‌كردنی ئه‌و هه‌لومه‌رجه‌ی كۆماری ئیسلامی ئێران خولقاندویه‌تی كه هه‌ژاری و بێكاری لێكه‌وتۆته‌وه، ئه‌مڕۆ له شاره‌كانی بانه، سه‌قز، جوانڕۆ و مه‌ریوان دوكانه‌كانیان داخست.
پێشبینی ده‌كرێت ئه‌م هه‌ڵوێسته‌ی كاسبكارانی ئه‌و چوار شاره‌ی ڕۆژهه‌ڵاتی كوردستان، شاره‌كانی دیكه‌ی وه‌ك سنه، پیرانشار و سه‌رده‌شت بگرێته‌وه.
s.m
