پارێزگاری دەوڵەتى تورک لە پارێزگاى جۆلەمێرگی باکووری کوردستان قەدەغەکاریى سەر هەموو جۆرە چالاکییەکى مەدەنى و یاد و بۆنە لە شاری جۆلەمێرگدا جارێکیتر درێژکردەوە و بەو پێیە بۆ ماوەى مانگێکى تر هەموو جۆرە چالاکییەک لە جۆلەمێرگ دا قەدەغە کرا.

لە راگەیاندراوى پارێزگارى دەوڵەتى تورک لە جۆلەمێرگ دا هاتووە "لەلایەن پارێزگار و قائیمقامیەتەوە هەموو چالاکییەکانى وەک، کۆبوونەوە، میتینگ، رێپێوان، چالاکیى دانیشتن، مانگرتن، هەڵدانى چادر، کۆنفرانسى رۆژنامەنووسی و دانانى ستاند لە سنووری شاری جۆلەمێرگ دا تاوەکو ١٥ی ئەیلولی ٢٠١٩ / ٢٤ی خەرمانان قەدەغەیە".

ژ.ت