لە ڕۆژانەی ڕابردوودا هاتووچۆی پەنابەران بۆ شاری وان زۆریان کردووە، حکومەتی تورکیا لە پلانێکدا بۆ گۆڕینی دیموگرافیای عەفرین دەستیکردووە بە ناردنی سەدان پەنابەر بۆ عەفرین.

زۆربەی ئەو پەنابەرانە خەڵکی ئاسیای ناوەڕاستن و ئێوارەی دوێنێ بە پاس لە وانەوە بەرەو عەفرین بەڕێکراون.

حکومەتی تورکیا پێشتریش ژمارەیەکی زۆر لە پەنابەرانی وڵاتانی ئەفغانستان، سوریا، ئێران و ژمارەیەکی دیکە لە وڵاتانی ئاسیای ناوەڕاستی ڕەوانەی چیای سوفان لە بەدلیس و شارۆچکەی ڕووبارۆکی سەربە شەمزینان کردبوو لەوێ جێگیریی کردبوون.

دوێنێ فەرماندەیی گشتیی یەکینەکانی پاراستنی گەل (یەپەگە) سەبارەت بە پیلانی حکومەتی تورکیا بۆ گۆڕینی دیموگرافیای ناوچەکە هۆشداری دا و ڕایگەیاند، مافی ڕەوای خۆیانە کە ئەو کەسانەی دەچنە ناوچەکانی عەفرینەوە بکەنە ئامانج.

ر.م