رەوەند مەلا مەحمود جێگری لێپرسراوی مەڵبەندی یەكێتیی نیشتمانیی كوردستان رایگەیاند، ڕێککەوتنمان لەگەڵ پارتی بۆ پێکهێنانی حکومەتی هەرێم هەیە، کەرکوک و هەرێم و بەغدا یەک پاکێجە و ناکرێت لەیەکتری جیابکرێتەوە .

رەوەند مەلا مەحمود ڕایگەیاند: "کەرکوک و بەغدا و هەرێم پاکێجێکی سیاسییە و ئێمە ڕێککەوتنمان لەگەڵ هەڤاڵانی پارتی هەیە بۆ پێکهێنانی حکومەت و مەرجانەکانیشمان مەرجی جەماوەری کوردستانە و ناکرێت تۆ لە هەولێر ڕێکەویت و لە کەرکوک و بەغدا دۆخت ئاوابێت".

ڕاشیگەیاند: "ئەوەی ئێستا دڵخۆشکەرە ئێمە توانیمان وەزیری دادی عێراق، کە کوردێکی کەرکوکە بە هەموو لایەک تێیپەڕێنین و بەپێی زانیارییەکانی من هەڤاڵانی پارتیش دەنگیان پێداوە. ئەمە سەرەتایەکی باش بووە ز ئەو دانیشتنانەی بەبەردەوامی دەکرێن ئومێد بەخشە و ئومێدەوارم کێشەکانی کەرکوک چارەسەر بکرێن. پێموایە کۆبونەوەکان بە ئاقارێکی باش دا دەڕۆن".

رەوەند هەروەها وتی: "لە کۆبونەوەکەی یۆنامی دا، یەکێتی و پارتی و لایەنی عەرەبی بەشداربوون. ئەو کۆبونەوانە بە ئاقارێکی باشدا رۆیشتون و دۆخی کەرکوک بەرەو باشی ئەڕوات ئەمەش پەیوەندیی بەوەوە هەیە کورد لە کەرکوک مەخدور کراوە و دەیان ویست لە کەرکوک کورد کاڵ بکەنەوە، بۆیە بە دەنگ هاتنی پەرلەمانتارەکانمان و ئەنجومەنی پارێزگا و خەڵکی کەرکوک ئەمە دەور و کاریگەری هەبوو لە داهاتووش کاریگەری دەبێت".

لە کۆتایدا وتیشی:"ئێمە بەلامانەوە گرنگە ئەو کاندیدە یەکێتیی نیشتمانی کوردستان بەربژێری بکات و کاندیدێک بێت خەڵکی شاری کەرکوک بێت و خزمەتی شاری کەرکوک بکات ".

ر.م