له‌ ناوچه‌ی په‌یاسی شاری ئامه‌د، سه‌ربازان هه‌ڵیانكوتایه‌ سه‌ر ماڵێك و كه‌سێكیان به‌ ناوی «ئی. ب.» ده‌ستگیر كرد. دواتر بردیانه‌ فه‌رمانداره‌تیی جه‌نده‌رمه‌ له‌ ناوچه‌ی لجه‌ و پاش لێپرسینه‌وه‌ بردیانه‌ دادگه‌. داواكاری گشتی داوای زیندانیكردنی ئه‌و كه‌سه‌ی كرد. دادوه‌ریش به‌ تۆمه‌تی «ئه‌ندامه‌تیی ڕێكخستن» بڕیاری زیندانیكردنی بۆ «ئی. ب.» ده‌ركرد و ڕه‌وانه‌ی زیندانی كرد.

له‌ لایه‌كی دیكه‌وه‌ پۆلیسی تورك له‌ ئامه‌د هه‌ڵیكوتایه‌ سه‌ر ماڵی سه‌رۆكی لقی ئامه‌دی كۆمه‌ڵه‌ی ٧٨ گانی ئالكان. پۆلیس ده‌رگه‌ی ماڵه‌كه‌ی شكاند و چوونه‌ ژووره‌وه‌. پاش پشكنینی ماڵه‌كه پۆلیس‌ ئالكانی ده‌ستگیر كرد و بردیانه‌ به‌ڕێوه‌به‌رایه‌تیی ئه‌منی.

s.m