له خواكورك شه‌ڕێكی سه‌خت له ئارادایه
له‌نێوان سه‌ربازانی سوپای توركیا و گه‌ریلاكانی هه‌په‌گه\یه‌ژا-ستار شه‌ڕێكی سه‌خت له هه‌رێمی خواكورك له ئارادایه.
له‌نێوان گه‌ریلاكانی هێزه‌كانی پاراستنی گه‌ل - هه‌په‌گه\یه‌ژا-ستار و سوپای توركیای داگیركه‌ر كه ئێواره‌ی دوێنێ ویستی به‌ره‌و مه‌یدانی گردی سیرۆ، گردی ماوا، گردی پارتیزان و گه‌لیی ڕه‌ش پێشڕه‌وی بكات، شه‌ڕێكی سه‌خت له ئارادایه.
گه‌ریلا به چالاكییه‌كانی خۆی ناهێڵێت سه‌ربازان له كۆپته‌ره‌كانی جۆری كۆبرا دابه‌زن. ده‌ستنیشانكرا كه له گردی پارتیزان ژماره‌یه‌كی زۆری سه‌رباز كوژراو و بریندار بوون.
فڕۆكه‌سیخووڕییه‌كان به‌سه‌ر ئاسمانی هه‌رێمه‌كه‌دا ده‌سوڕێنه‌وه و فڕۆكه جه‌نگییه‌كانیش بۆردومانی هه‌رێمه‌كه ده‌كه‌ن.
s.m
