شەوی ڕابردوو، لە شار و شارۆچکەکانی ڕۆژهەڵاتی کوردستان، وەکو نەریتێکی ساڵانە مەراسیمی نەورۆز و سەری ساڵی کوردی بەڕێوەچوو.

 نەورۆزی ئەمساڵی ڕۆژهەڵات جیاواز بوو لە ساڵانی ڕابردوو، ئەویش بەهۆی بەرخۆدانی عەفرینەوە لە زۆربەی زۆری شار و شارۆچکە و گوندەکانی ڕۆژهەڵات، گەل بە وتنەوەی دروشمی (بژی بەرخۆدانی عەفرین)، (فاشیست ئەردۆغان)، (دیکتاتۆر ئەردۆغان) مەراسیمی نەورۆز و ئاگرکردنەوە بەڕێوەچوو.

 لە شارەکانی مەریوان، بانە، سەردەشت، سنە، سەقز، پیرانشار، ئیلام، خوراسان، ماکۆ، قوتور و شارۆچکەی دزڵی و دەیان گوندی رۆژهەڵات بە دروشمەکانی فاشیست ئەردۆغان و سوتاندی ئاڵای تورکیا نەورۆز پیرۆز کرا. لە هەر یەک لەو شوێنانە بە شێوازێکی تایبەت پشتیوانی خۆیان بۆ ڕۆژئاوا و شۆڕشی ڕۆژئاوا ڕاگەیاند.