له‌ ڕۆژهه‌ڵاتی كوردستان به‌هۆی باران بارینی زێده‌ لافاو هه‌ستا. له‌و كاره‌ساته‌دا زۆر كه‌س بوونه‌ قوربانی و هه‌زاران كه‌سیش ناچار بوون واری خۆیان جێبهێڵن.

ڕێكخراوی مانگی سووری كوردستان ڕایگه‌یاند، «لافاوه‌كه‌ هه‌موو لایه‌كی ڕۆژهه‌ڵاتی كوردستانی گرتووه‌ته‌وه‌ و زۆر شار و شارۆچكه‌ و گوند ژێرئاو كه‌وتوون و زۆر كه‌س بوونه‌ته‌ قوربانی. به‌هۆی ئه‌وه‌ی په‌یوه‌ندی له‌گه‌ڵ چه‌ندین شوێن پچڕاوه‌، ژماره‌ی قوربانیان ڕوون نه‌بووه‌ته‌وه‌.»

ڕێكخراوه‌كه‌ ڕاشیگه‌یاند، به‌هۆی هه‌لومه‌رجی ڕێگه‌ مانگی سووری كوردستان ته‌نیا هاریكاری ماددی وه‌رده‌گرێت و له‌و ڕێیه‌وه‌ پێداویستییه‌كانی گه‌ل له‌وێ دابین ده‌كات. ئاماژه‌ی بۆ ئه‌وه‌ش كردووه‌، له‌و ڕۆژه‌وه‌ی لافاوه‌كه‌ ده‌ستی پێكردووه‌ ئه‌وانیش ده‌ستیان به‌ هاریكاری و خه‌بات كردووه‌ بۆ كڕینی چادر، به‌تانی و پێداویستییه‌كانی ژیان.

مانگی سووری كوردستان ڕایگه‌یاند، «ئێمه‌ بانگی هه‌موو گه‌له‌كه‌مان ده‌كه‌ین كه‌ هاریكاریی گه‌له‌كه‌مان بكه‌ن له‌ ڕۆژهه‌ڵاتی كوردستان.» هه‌روه‌ها كۆمه‌ڵگه‌ی ئیسلامیی كوردستان (CÎK) بانگه‌وازێكی بۆ هه‌مان مه‌به‌ست بڵاوكرده‌وه‌ و ڕایگه‌یاند، «له‌ ڕۆژهه‌ڵاتی كوردستان و ئێران كاره‌ساتێكی گه‌وره‌ ڕوویداوه‌. گه‌له‌كه‌مان له‌وێ له‌ بارودۆخێكی خراپدان. بانگی گه‌له‌كه‌مان ده‌كه‌ین كه‌ كۆمه‌كی گه‌له‌كه‌مان له‌ ڕۆژهه‌ڵات بكه‌ن .»

زانیاریی زیاتر ده‌رباره‌ی كۆكردنه‌وه‌ی هاریكاری له‌سه‌ر ماڵپه‌ڕی مانگی سووری كوردستان هه‌یه‌: http://www.heyvasor.com

s.m