هێزە ئەمنییەکانى رژێمى ئێران دوێنێ شەممە ئیبراهیم پیری نوێنەری شۆفێرانى ناوەندی تەندروستیى شاری سنەى رۆژهەڵاتى کوردستانیان دەستگیرکرد و رەوانەى شوێنێکى نادیاریان کرد.

راگەیاندرا، ئیبراهیم پیری پێشتر بەشداریى لە چالاکیى ناڕەزایەتیى شۆفێران دا کردبوو.

شۆفێران بەهۆی سیاسەتەکانى رژێمى ئێرانەوە لە زۆرێک لە مافەکانیان بێبەشن و لە دەرماڵە و ئیمتیازاتی ساڵانە بێبەش دەکرێن و بەو هۆیەوە ناڕەزایەتییان دەربڕیبوو.

سەرباری هەموو هەوڵی بنەماڵە و خزمانى پیری تاوەکو ئێستا پێیان رانەگەیاندراوە ئیبراهیم پیری براوە بۆ کوێ لە کوێ زیندانیکراوە و لە چ دۆخێکدایە.

ترسی رژێمى ئێران لە کۆبونەوە و خۆپیشاندان و ناڕەزایەتیی کرێکاران و زەحمەتکێشان بووەتە هۆی ئەوە توندوتیژیانە بەرەنگاری ناڕەزایەتییەکان ببێتەوە و سەرکوت و دەستگیریان دەکات بەوە وەڵامی داواکارییە رەوا و مافدارانەکانیان دەداتەوە.

ژ.ت