نەپەگە پیرۆزباییەکی بۆ گەریلا بەشداربووەکانى چالاکییەکەى بێزۆکێ بڵاوکردەوە

فەرماندەیى بڕیارگەى نەپەگە پیرۆزبایى لەو گەریلایانە کرد، کە بەشداربوون لەچالاکیى دژ بە بنکەى سەربازیى بێزۆکێ. نەپەگە رایگەیاندووە "پیرۆزبایى لە هاوڕێیانى ئاپۆیى فیدایى دەکەین، کە بەشداری ئەو چالاکییە بوون و چالاکییەکەیان بەشێوەیەکى خۆڵقکارانە ئەنجامدا".

فەرماندەیى بڕیارگەى ناوەندیى پاراستنى گەل (نەپەگە – NPG) بە بۆنەى چالاکی لە دژی بنکەى سەربازیى بێزۆکێ، پەیامێکى پیرۆزبایى بۆ فەرماندەیى ئەیالەتى ئاڤاشین بڵاوکردەوە.

لە پەیامەکەدا هاتووە:

"ئەو چالاکییە کە هێزەکانى ئەیالەتى ئێوە لە چوارچێوەى هەڵمەتى شۆڕشگێڕیى شەهید باگەڕ – شەهید رۆنیا لە رۆژی ٤ی ئایاری ٢٠١٩ / ١٤ی بانەمەڕ (گوڵان) و لە کاتژمێر ١٤:١٠ دا لە دژی ئاسایشی بنکەی سەربازیى بێزۆکێ ئەنجامتان دا، چالاکییەکى سەرکەوتو و ئەنجامگیر بوو. ئەو چالاکییە لە چوارچێوەى رێنماییەکانى سەرلەنوێ بونیاتنانەوە و رێبازی چالاکیى سەردەم دا ئەنجامدرا. ئێمە لە دڵەوە پیرۆزبایى لە هەموو هاوڕێیانی بەشداربووی ئەو چالاکییە و فەرماندەییەکەتان دەکەین.

پلاندانان و ئەنجامدانی چالاکی لەگەڵ ئازایى و خوڵقاریى بەهێز ئاوێتە بوون و ئەو ئەنجامەى لێکەوتەوە. ئەو چالاکییەى ئۆپەراسیۆنى شۆڕشگێڕی لە رۆژی رووناک دا  ئەنجامدرا و بەبێ هیچ شەهادەتێک چوونە سەر تەرمەکانى دوژمن و ٥ چەکی کەسیی جۆری جی ٣ و چەکێکى جۆری بی کەی سی، کە بەگشتى دەکاتە ٦ چەک و کەلوپەلەکانیان دەستیان بەسەردا گیرا. بە خێرایى و لێهاتووییەکى بەرزەوە لە ٥ خولەکدا و بەبێ ئەوەى شەهادەت یان بریندار هەبێت، سەنگەرەکانی دوژمن خاپوور کران. ئەو لێھاتووییە سەلماندی، کاتێک رۆحی فیدایى ئاپۆیى لەگەڵ خۆڵقاریى تاکتیکی دا ببنە یەک، چ ئەنجامێک بەدەست دێت.

وەزارەتى پاراستنى نەتەوەیى تورک وەک هەموو کاتەکانى تر بۆ ئەوەى تەنگاوبوونی خۆی بەرامبەر بە چالاکییەکە بشارێتەوە و شێوازی تێکشاندنەکەیان و رۆحی و ورەى باڵاى هێرشەکەی گەریلا لەلایەن کۆمەڵگەوە نەبینرێت، راگەیاندراوێکى بڵاوکردەوە و تیایدا هاتبوو 'لە ئەنجامی هێرشی ئاسمانى لە باکووری عێراق، کوشتە درا' و بەو شێوەیە جارێکیتر دۆخی درۆزنانەى خۆیان خستەوەڕوو، بەڵام چی دەکەن با بیکەن، چونکە ناتوانن کەشی شۆڕشگێڕی و لێدانى پاڵەوانانە و بە هەیبەتى گەریلا بشارنەوە، ناشتوانن تەمەنی دەسەڵاتە فاشیستییەکەى خۆیان درێژتر بکەنەوە.

ئێمە جارێکیتر پیرۆزبایى لە هاوڕێیانى فیدایى ئاپۆیى، کە بەشداریی ئەو چالاکییە بوون و ئەو چالاکییەیان بەشێوەیەکى خوڵقکارانە ئەنجامدا دەکەین و سەرکەوتنیان بۆ دەخوازین. لە کەسایەتیى ئێوەدا بە خۆشەویستی و رێزەوە سڵاو لە هەموو هێزەکانى ئەیالەتەکەتان دەکەین. بە هەستى شۆڕشگێڕانە لە ناخی دڵەوە سەرکەوتنان بۆ هەموتان دەخوازین".

ر.م