ناوه‌ندی ڕاگه‌یاندنی هێزه‌كانی پاراستنی گه‌ل (هه‌په‌گه‌) ڕاگه‌یه‌نراوێكی ده‌رباره‌ی شه‌هیدبوونی ٤ گه‌ریلا له‌ خواکورک بڵاوكرده‌وه‌ كه‌ ئه‌مه‌ ده‌قه‌كه‌یه‌تی:

ڕێكه‌وتی ٢ی حوزەیران لە کاتی هێرشی داگیرکاری لە خواکورک شەڕ لەنێوان یەکینەکانی دوژمن و هێزەکانی ئێمەدا ڕوویدا. لە ئەنجامی ئەو شەڕه‌ و بۆردومانی دوژمندا ٤ هاوڕێی قاره‌مانمان شەهید بوون. هاوڕێیانمان عەلی شێر (ئۆزجان ئۆزتورک)، ئارگەش (شه‌وكه‌ت کارتاڵ)، دێرسم (یارەن دانش) و ڕۆناهی (ڕۆناهی محۆ) کە به‌شدارییان له‌ بەرخۆدانی مێژوویی خواکورک كرد، لە دژی هێرشه‌ داگیرکارییه‌كانی سوپای توركیای داگیركه‌ر لە خواکورک بە درووشمی [ئێمە ڕێگه‌ به‌ داگیرکەران ناده‌ین] قارەمانانه‌ به‌رخۆدانیان كرد. لە دژی دەوڵەتی توركی فاشیست کە هه‌موو ده‌رفه‌ته‌كانی خۆی له‌ ڕووی تەکنیکییه‌وه‌ خستووه‌ته‌گه‌ڕ، بە ئیرادەیەکی بەهێز و ڕۆحی میلیتانی ئاپۆیی شه‌ڕیان کرد، گورزی تووندیان لە دوژمن دا و بە قارەمانه‌تییه‌كی گەورە جارێکی دیكه‌ ئەوەیان سه‌لماند کە داگیرکاری ئەوەندە ئاسان نییە.

ناسنامه‌ی شه‌هیدان:

هاوڕێمان عەلی شێر، ئارگەش، دێرسم و ڕۆناهی لە دژی شەڕی لەناوبردن و هێرشه‌ داگیرکەرییه‌كانی سه‌ر کوردستان، هاتنه‌ نێو ڕیزه‌كانی تێکۆشانی ئازادیی کورد. هاڕێکانمان کە بە قووڵی په‌یوه‌ست بوون به‌ گەلەکەیانەوە لە دژی هێرشه‌ داگیرکارییه‌كانی دژبه‌ گەلی کورد، بە بەشدارییەکی چالاک فەلسەفەی ژیان-ی ڕێبەر ئاپۆیان پەسەند کرد و خستیانه‌ بواری جێبه‌جێكردنه‌وه‌. هاوڕێکانمان بە به‌ها گه‌وهه‌رییه‌كانی خۆیان لە هەموو ئه‌و شوێنانه‌ی كاریان لێ كرد، بوونه‌ خاوەنی هەڵوێستێکی میلیتانی. هاوڕێیانمان کە نیشانەی ڕەنج، بوێری و فیداکارین، هەوڵیانداوە بە ڕێبازی گەریلای هاوچه‌رخ خۆیان شاره‌زا بکەن و بەو شێوازە ئەو ئەرکەی کەوتووه‌ته‌ سەر شانیان بەبێ کەموكوڕی جێبه‌جێی بكه‌ن.

ئێمه‌ سه‌ره‌خۆشی ئاراسته‌ی خانه‌واده‌ی هاوڕێیانمان عەلی شێر(ئۆزجان ئۆزتورک)، ئارگەش (شه‌وكه‌ت کارتاڵ)، دێرسم (یارەن دانش) و ڕۆناهی (ڕۆناهی محۆ) و ته‌واوی گەلی کوردی وه‌ڵاتپارێز ده‌كه‌ین. ئێمە بەڵێن دەدەین کە بە نه‌ریتی به‌رخۆدانی ئەوان تێکۆشانه‌كه‌مان سه‌ربخه‌ین.

s.m