وێنەی داگیرکەری لە مێردین
لە دوای ئەوەی قەیوم بەسەر شارەوانیی گەورە شارەکانی ئامەد، مێردین و وان سەپێنران، زۆرێک لە ناوچە و شارەکان و بینای شارەوانییەکان لەلایەن هێزە ئەمنییەکانى دەوڵەتى تورکەوە گەمارۆدراون.
شارەوانیی گەورە شارەکانی ئامەد و وان و مێردین لەلایەن وەزارەتی ناوخۆی دەوڵەتى تورکەوە دەستیان بەسەردا گیرا.
پۆلیسی تورک لە بینای شارەوانیى مێردین دەستیان بە پشکنین کردووە و لە بەردەم بینای شارەوانییەکەشدا ژمارەیەکى زۆری پۆلیس سەنگەریان گرتووە و بەشێکیشیان بە ئۆتۆمبێلی زرێپۆش و جۆری تۆما لە بەردەم بیناکەدا راوەستاون.
هەروەها لە بەشەکان و بیناکانی خزمەتگوزاریى شارەوانیی گەورە شاری مێردین دا و لە چەندین شوێنى تری شارەکەدا بڵاوە بە پۆلیس کراوە و پۆلیسیانی تیایاندا جێگیر کردووە.
هەروەها ئۆتۆمبێلی زرێپۆشی جۆر تۆما و هێزی پۆلیس لە دەوروبەری بارەگاکانی هەدەپە لە مێردین جێگیرکراون.
ژ.ت
