پۆلیسی وان هێرشی كرده سه‌ر چالاكیی دژبه گۆشه‌گیری
پۆلیسی توركیا له شاری وانی باكووری كوردستان هێرشی كرده سه‌ر چالاكیی دانیشتن كه دژبه گۆشه‌گیری سازكرابوو. له ئه‌نجامدا ٤ كه‌س ده‌ستگیر كران.
له شاری وان دایكانی ئاشتی به‌مه‌به‌ستی سه‌رنجڕاكێشانه سه‌ر مانگرتنه‌كان و ڕۆژووی مردن دژبه گۆشه‌گیریی سه‌ر ئیمڕاڵی، له پاركی شاره‌كه چالاكیی دانیشتنیان ئه‌نجام دا. پۆلیسی تورك هێرشی كرده سه‌ر چالاكییه‌كه و ٤ كه‌سی ده‌ستگیر كرد. له‌نێو ده‌ستگیركراواندا هاوسه‌رۆكی پارتیی هه‌رێمه دیموكراتییه‌كان (ده‌به‌په) له شاره‌كه ئۆككه‌ش كاوه هه‌یه. ڕاگه‌یه‌نرا ده‌ستگیركراوان براونه‌ته به‌ڕێوه‌به‌رایه‌تیی ئاسایشی وان.
s.m
