کۆمیتەى بەڕێوەبەریى پەکەکە بە بۆنەى ١ی ئایار رۆژی جیهانیى کرێکاران و زەحمەتکێشان راگەیاندراوێکى بڵاوکردەوە و رایگەیاند "لە کەسایەتیى چینی کرێکاران دا پێشوازی لە ١ی ئایار دەکەن، کە رۆژی یەکگرتوویى، پشتیوانى، تێکۆشانی زەحمەتکێشان و رەنجدەران و گەلانى بندەست و ژنانە".
لە راگەیاندراوەکەدا هاتووە "لە هەر چوار لای جیهانەوە ١ی ئایار بە بەهێزی و بە ئومێدەوە پیرۆز دەکرێت. ئێمە؛ گەل و بزووتنەوە، تێکۆشانمان بۆ ئازادی و دیموکراسی لە دژی سیاسەت و عەقڵییەتى فاشیزم – پاکتاوکار بەڕێوەدەبەین و بەوەش پێشوازی لە ١ی ئایار دەکەین. شەڕی سەرکەوتوانەمان لە دژی فاشیزمی داعش، کە بوو بووە بەڵا بەسەر گەلانى رۆژهەڵاتى ناوەڕاستەوە بە هەڵمەتی بەرخودانمان بە ناوی 'کۆتایى بە گۆشەگیری دەهێنین، فاشیزم هەڵدەوەشێنین و کوردستان ئازاد دەکەین' لە دژی فاشیزمی ئاکەپە – مەهەپە بەڕێوەدەبەین. لەو چوارچێوەیەدا ئێمە ١ی ئایار لەو کرێکاران و رەنجدەرانە، کە بۆ ئازادی، دیموکراسی و سۆسیالیزم تێدەکۆشن، لە هەموو گەلانى بندەست پیرۆز دەکەین و سەرکەوتنیان بۆ دەخوازین.
لە پێش هەموانەوە گەلەکەمان، هەموو گەلان و بندەستان کە گەورەترین تێکۆشانی خۆیان بۆ ئازادی و دیموکراسی لە ١ی ئایار دا بەڕێوەبردووە و باشترین و هێژاترین شەهیدیان لەو تێکۆشانەدا پێشکەشکردووە. هەمان تێکۆشان ئێستا لە هەر چوار لاى جیهانەوە بە شێوەیەکى بەهێز بەردەوامیى هەیە و شەهیدی بۆ دەدەن. لەو چوارچێوەیەدا لە کەسایەتیى شەهیدانی ١ی ئایاری ١٩٧٧ / ١١ی گوڵان لە گۆڕەپانى تەقسیم و فەرماندەى گەریلاى شەهیدمان رەمەزان کاپڵان و هەموو شەهیدەکانمان لە ١ی ئایاردا بە رێز و منەتدارییەوە یادیان دەکەینەوە و یادیان بەرز رادەگرین و بەڵێن دووبارە دەکەینەوە، کە ئێمە ئامانجەکانی ئەوان بەدی بهێنین و خاوەنداری لە یادیان بکەین.
بێگومان یوتۆپیای سۆسیالیزم لە ١ی ئایاردا لە هەموو کات زیاتر و بەرچاوتر خۆی خستووەتەڕوو. ١ی ئایار بۆ ئازادی، یەکسانیى جیاوازییەکان و فرەیى، هاوبەشیکردنى کۆموناڵ و هاوپشتی بووەتە ناوەند و رۆحی تێکۆشان. سۆسیالیزم راستیى زیندووەکان پێناسە دەکات و دەیخاتەڕوو. لەبەر ئەوەش هیچ هێرشێکى مۆدێڕنیتەى کاپیتالیست ناتوانێت رۆح و ورەى ١ی ئایار لاواز بکات و ناتوانێت واتا و گرنگیى ١ی ئایار بۆ بندەستان کەم بکاتەوە. بە پێچەوانەوە تێگەیشتن و رۆحی تێکۆشان، پشتیوانی و یەکگرتوویى ١ی ئایار رێگای بۆ بەرەوپێشچوونی تێکۆشانی ئازادی و دیموکراسی کردووەتەوە.
پێوەرەکانى سۆسیالیزمی دیموکراتیک بە ئامڕاز و کەرەستەى دەوڵەت جێبەجێ نابێت
شەڕی سێیەمی جیهانی، کە لە نێوان سیستمی سەرمایەداریى گلۆبال و پێگەپارێز و موحافزپارێزەکانی نەتەوە – دەوڵەت روودەدات و ناوەندەکەى لە رۆژهەڵاتى ناوەڕاستدایە، بۆ گەلانى رۆژهەڵاتى ناوەڕاست و هەموو بندەستان دەرفەت و هەلی بەهێزی تێکۆشان لە دژی هێرشەکانى فاشیزم و داگیرکەرانى کاپیتالیستی گلۆبال رەخساوە. مرۆڤایەتی و هەموو بندەستان لە هەوڵدان ئەم قۆناغە، کە لە دواى هەڵوشانەوەى رەئال سۆسیالیزم هاتووەتە پێشەوە بە باشی و بە دروستی لێى تێبگەن و دەرفەتەکانى تێکۆشان بخەنەکار. بەپێى ئەو بنەمایە، تێکۆشانی سۆسیالیزمی دیموکراتیک لە دژی سیستمی مۆدێڕنیتەى کاپیتالیست لە هەموو گۆڕەپانەکاندا بەرفراوانتر دەبێت.
بەڵام بۆ تێکۆشانی ئازادی، یەکسانیى جیاوازییەکان و فرەییەکان و دیموکراسی، کە زیاتر بە بەهێزی بەڕێوەبچێت، پێویستە هۆکارەکانى هەڵوەشاندنەوەى رەئال سۆسیالیزم بە بەرفراوانى و بە قوڵی شیکاریى بۆ بکرێت و تێگەیشتنى لەبارەوە دروست ببێت، راستیى مۆدێڕنیتەى کاپیتالیست و دۆخی ئێستا بەشێوەى راست و دروست و بە قوڵی ئانالیز بکرێت و لە دژی سیستمی مۆدێڕنیتەى کاپیتالیست عەقڵییەت و هۆشەمەندی، بەرنامە و رێبازێکى راست و دروستى تێکۆشان بئافرێنرێت. زۆر گرنگە لەو بابەتەدا ئەوە ببینرێت و تێگەیشتنى ئەوە دروست بێت، کە بە ئامڕاز و کەرەستەکانى دەسەڵات و دەوڵەت ئازادی، یەکسانیى جیاوازییەکان و فرەییەکان و هاوبەشیکردنى کۆموناڵ، کە پێوەرەکانى سۆسیالیزمی دیموکراتیکن جێبەجێ نابێت.
لەو چوارچێوەیەدا زۆر گرنگە تیۆریى مۆدێڕنیتەى دیموکراتیک گفتوگۆی لەبارەوە بکرێت و بە بنەما وەربگیرێت، کە رێبەر عەبدوڵا ئۆجالان ئافراندوێتی و رێگاى تێکۆشانی رزگاریى بندەستانى پێ رووناک کردووەتەوە. لەسەر ئەو بنەمایە بانگ لە هەموو هێزە شۆڕشگێڕ و سۆسیالیستەکان دەکەین لەو بارەیەوە ئەو بابەت و تەوەرانە بە شێوەیەکى جدی و یەکگرتووانە شیکار بکەن و ببینن، کە سۆسیالیزمی دیموکراتیک بە ئامڕاز و کەرەستەى دەسەڵات و دەوڵەت جێبەجێ نابێت و بەدی نایەت، بەڵکو لەسەر بنەمای کۆمەڵگەى دیموکراتیک، کە پشتبەستوو بێت بە ئازادیى ژن و ژینگەپارێزی و ئیکۆلۆژیی کۆمەڵایەتی و وەک حیزب و بزووتنەوە دەست بە جموجوڵ بکەن.
ئاشکرایە، دونیایەک کە سۆسیالیزمی دیموکراتیک پێشەنگایەتیى بۆ نەکات ئەو دونیایە نییە، کە مرۆڤ بتوانێت تیادا بژی. دونیاى ئێمە کە لە دەستى وەکیەکلێکردنى کاپیتالیست دایە بەرەو لەناو چوون دەڕوات. کاپیتالیزم بە مانای قەیران، مۆتەکە، داگیرکەری و شەڕە.
سیستمی مۆدێڕنیتەى کاپیتالیست ناتوانێت خۆی لە شەڕی جیهانیى سێیەم دەرباز بکات و دەیەوێت لە ژێر قەیران و تەنگژەکاندا باڵادەستى و سەروەریى خۆی بەسەر دونیادا درێژە پێ بدات و دونیا بەڕێوەببات. دەبێت کەس چاوەڕێى ئەوە نەبێت، کە سیستمی مۆدێڕنیتەى کاپیتالیست دەتوانێت بە توانایى و هێزی خۆی لەو قەیران و تەنگەژییە دەربازی ببێت، یان قەیرانەکە سووک بکات. بۆیە تاکە ئەڵتەرناتیڤ کە دەتوانێت مرۆڤایەتى لە شەڕ، داگیرکەری، گوشار و نایەکسانى رزگار بکات سۆسیالیزمی دیموکراتیکە. لەو کاتەدا دەبێت ئێمە کاری بونیاتنانی مۆدێڕنیتەى دیموکرایتک، کە ئێمە بەرەوە سۆسیالیزم دەبات درێژە پێبدەین و هەمیشە و بە بەردەوامی لە ناو شۆڕشی مۆدێڕنیتەى دیموکراتیکدا بین.
دەبێت پیرۆزبایى ١ی ئایار و تێکۆشانی دژ بە گۆشەگیرى ببن بە یەک
ئیمە؛ بزووتنەوەى پەکەکە، بۆ هێنانەدیى ئەو باڵ و هێڵەی شۆڕشی کوردستان و بڵاوکردنەوەى لە هەرێمەکەدا بە هەموو هێزی خۆمانەوە تێدەکۆشین. ژیانی کۆموناڵی دیموکراتیکی بێ دەسەڵاتخوازی و دەوڵەت-مان بۆ خۆمان دەستپێدەکەین و دەیئافرێنین و لەسەر ئەو بنەمایەش هەوڵ دەدەین رێکخستنی کۆمەڵگەى دیموکراتیک و بونیاتنانی نەتەوەى دیموکراتیک بەدی بهێنین.
پێشەنگایەتیى رێبەر عەبدوڵا ئۆجالان و شەهیدە قارەمانەکانمان، بەرخودێری و خۆڕاگریى و فیداکاریى گەلەکەمان بە تایبەتى ژنان و گەنجان ئێمە زۆر زیاتر کاراتر دەکات. لەسەر ئەو بنەمایە، ئێمە چارەسەریى کۆنفیدراڵیزمی دیموکراتیک، کە پشتبەستووە بە خۆبەڕێوەبەریى دیموکراتیک بۆ چارەسەرکردنى هەموو کێشەکانى کۆمەڵگە بە بەهێزی دەخەینەکار. بەو تێکۆشانە وەڵامی هێرشەکانى سیستمی مۆدێڕنیتەى کاپیتالیست و هێزە نەتەوە – دەوڵتپەرستە فاشیستەکان دەدەینەوە و ئەو هێرشانە تێکدەشکێنین.
بە هەڵمەتى بەرخودانى 'کۆتایى بە گۆشەگیری دەهێنین، فاشیزم هەڵدەوەشێنین و کوردستان ئازاد دەکەین' پێشوازی لە ١ی ئایار دەکەین. ئێمە رۆحی تێکۆشان، پشتیوانى و یەکگرتوویى ١ی ئایار لەگەڵ هەڵمەتى بەرخودانى خۆمان لە دژی گۆشەگیری ئاوێتەى یەک دەکەین و دەیانکەین بە یەک. ئێمە؛ گەل و بزووتنەوە هەوڵ دەدەین لەسەر ئەو بنەمایە بەپێى جەوهەری ١ی ئایار بژین.
ئێمە ١ی ئایار بۆ تێکۆشانى ئازادیمان، یەکسانیی جیاوازییەکان و فرەیى و سۆسیالیزمی دیموکراتیک لە هەمو گۆڕەپان و ئاستەکاندا دەگەشێنینەوە. بە گەل و گەریلا ئێمە لە چیاکان، دەشتەکان، شارەکان و زیندانەکان و بە هەموو رێباز و شێوازەکان بەرەنگاری و بەرخودان دەکەین.
لە چالاکییەکانى گەل و گەریلا تاوەکو بەرخودانى چالاکیى مانگرتنى گەورە، کە بە پێشەنگایەتیى لەیلا گیوڤەن هاوسەرۆکى کۆنگرەى کۆمەڵگەى دیموکراتیک (کەجەدە) بەڕێوەدەچێت، هەموو رێباز و شێوازەکانى تێکۆشان بەپێى کات و شوێنى خۆی ئەنجام دەدەین.
لە رێگەى ئەو تێکۆشانەوە ئێمە فاشیزمی ئاکەپە – مەهەپە-مان هێناوەتە لێواری تێکچوون و هەڵوەشاندنەوە و ئێمە بە دڵنیاییەوە لەو بڕوایەداین، کە لە ماوەیەکى کەم دا کۆتایى بە گۆشەگیرى دەهێنین و گۆشەگیری تێکدەشکێنین. نە هێرشە هۆڤانە و دڕندانەکانى بەڕێوەبەریى تەیب ئەردۆغانی فاشیست و نە کارە تێکدەرانە و ئاژاوەگێڕییەکانى قلیچدار ئۆغڵو و نە ناوەندی شەڕی تایبەت ناتوانن لە بەرامبەر بە دەستهێنانی ئەو ئەنجامەدا، رێگری و ئاستەنگی بۆ گەلانى کوردستان و تورکیا دروست بکەن.
هێزەکانى گەریلامان و گەلەکەمان، هەموو رۆژێک لە تۆڵەسەندنەوەى هێرشە نامەردانەکانى فاشیزمی ئاکەپە – مەهەپەن لە دژی بەرخودێرانى مانگرتوو و دایکە لەهەنگ و قارەمانەکانى کورد دان. بە دڵنیاییەوە ١ی ئایار دەبێتە لوتکەى لێپرسینەوە لە بکوژە فاشیستەکان.
لەسەر ئەو بنەمایە جارێکیتر یادی شەهیدانى ١ی ئایار بە رێزەوە و بەرزی رادەگرین، ١ی ئایار لە گەلە وڵاتپارێزەکەمان و زەحمەتکێشانی دونیا پیرۆز دەکەین و بانگ لە گەلەکەمان دەکەین لە هەر شوێنێکدان ئاڵاى ١ی ئایار باشتر و زیاتر بەرزتر و شکاوەتر بکەن، بە بەهێزی بەشداریى پیرۆزباییەکانى ١ی ئایار ببن، پیرۆزبایى ١ی ئایار و هەڵمەتى بەرخودان لە دژی گۆشەگیرى بکەنە یەک و هەموو گۆڕەپانەکان بکەنە شوێنى یەکگرتوویى، هاوپشتی و تێکۆشان".
ر.م