چالاكانی قه‌ڵغانی مرۆیی گه‌یشتنه ده‌ڤه‌ری برادۆست
گرووپێک لە ئه‌ندامانی ڕێكخراوی گەنجانی وڵاتپارێز و ژنانی گەنجی تێکۆشەر لە دەڤەری برادۆست ده‌ستیان به چالاكیی قه‌ڵغانی مرۆیی كرد له به‌رانبه‌ر هێرشه داگیركارییه‌كانی سوپای تورك.
گرووپێک لە ئه‌ندامانی ڕێكخراوی گەنجانی وڵاتپارێز و ژنانی گەنجی تێکۆشەر کە ماوەی ١٠ ڕۆژ بوو له به‌رانبه‌ر داگیرکاریی سوپای تورک بۆ سەر خاکی باشووری کوردستان له بناری قه‌ندیل له چالاكیی قه‌ڵغانی مرۆییدا بوون، ئه‌مڕۆ بۆ هه‌مان مه‌به‌ست ڕوویان له ده‌ڤه‌ری برادۆست كرد.
پەیامنێری ئاژانسی هەواڵی فورات (ANF) له ده‌ڤه‌ری برادۆست ڕایگه‌یاند، گه‌نجان گه‌یشتوونه‌ته ناوچه‌كه و ده‌ستیان به چالاكیی قه‌ڵغانی مرۆیی كردووه له به‌رانبه‌ر هێرشه داگیركارییه‌كانی ده‌وڵه‌تی تورك بۆ سه‌ر ده‌ڤه‌ری برادۆست و خواكورك.
s.m
