گەنجان لە قەندیل ڕێپێوانێک-ی بە مەشخەڵ-یان ئەنجامدا
لە ١٣یەمین ڕۆژی چالاکیی قەڵغانی زیندوویی گەنجانی باشوری کوردستان لەدژی داگیرکاری دەوڵەتی تورکیا بۆسەر باشووری کوردستان، یەدا ڕێپێوانێکی بە مەشخەڵ ئەنجامدرا.
لە ١٣یەمین ڕۆژی چالاکیی قەڵغانی زیندوویی گەنجانی باشوری کوردستان لەدژی داگیرکاری دەوڵەتی تورکیا بۆسەر باشووری کوردستان، یەدا ڕێپێوانێکی بە مەشخەڵ ئەنجامدرا.
لە ڕۆژی ٨ی حوزەیران/١٨ی جۆزەردانەوە چالاکی قەڵغانی زیندوو لە دژی هێرش و هەڕەشەکانی سوپای تورکیا بۆسەر قەندیل لە بناری قەندیل دەستیپێکرد، ڕۆژانەی شاندە جیاوازەکان لە هەر چوار پارچەی کوردستانەوە سەردانی ئەو چالاکییە دەکەن و پشتگیریی دەکەن، شەوی ڕابردووش ڕێپێوانێکی بەمەشخەڵ ئەنجامدرا.
هاوڵاتیانی دانیشتووی گوندەکانی سوورە دێ، بالایان، ناودەشت و پردەشال-ی بناری قەندیل بەمەبەستی پشتگیریکردنی چالاکیی قەڵغانی زیندوو ڕێپێوانێکی بەمەشخەڵیان ئەنجامدا.
ڕێپێوانەکە کاتژمێر ٢١:٠٠ لە گوندی پردەشال دەستیپێکرد،دواتر لانا قەندیل، بەناوی تەڤگەری ژنانی گەنجەوە قسەیکرد و، وتی: ڕاپەرن و داگیرکەران بخەنە ژێر پێتان، ئێمە وەک گەنجانی کوردستان بە باوەریی ئاڤێستا خابوورەوە لەدژی فاشیزم بەرخۆدان دەکەین، بانگەوازیی هەموو گەلی کورد دەکەین کە لە دژی خیانەت و داگیرکاری هەڵوێست نیشان بدەن.
چالاکییەکە بە دروشمی 'بمرێت خیانەت و داگیرکاری' کۆتایی پێهات.
قەرار وایە کە ئەمڕۆش شاندێکی ژنانی گەنج لە شاری سلێمانییەوە سەردانی چالاکیی قەڵغانی زیندوو دەکەن.
ک-ش