لە هەولێر لافاو هەستا
بەهۆی بارانبارینی زۆرەوە لافاو لە شاری هەولێری پایتەختی هەرێمی کوردستان هەستا.
بەهۆی بارانبارینی زۆرەوە لافاو لە شاری هەولێری پایتەختی هەرێمی کوردستان هەستا.
بەرەبەیانیی تاوێکی بەخۆڕی بارانبارین هەلێری گرتەوە و لە ماوەیەکی کەمدا هاتووچۆی پەکخست و بەهۆی ئەو بارانە بەخۆرەوە چەندین ڕووداوی هاتوچۆ رویاندا.
ڕێگا سەرەکییەکان بوون بە ژێر ئاوەوە و چەندین ئۆتۆمبێل گیریان خواردووە. هەروەها ئاوی چووەتە ناو چەندین ماڵ و دوکانەوە.
لەبەر راوەستاندنی هاتووچۆ، خوێندکاران نەیانتوانی بچنە قوتابخانە و خوێندنگەکان و کارگەکانیش هەر بەو هۆیەوە نەیانتوانی کار بکەن.
ئومێد خۆشناو پارێزگاری هەولێر رایگەیاند، بەهۆی مەترسیی لافاوەوە خوێندنگاکان دواخراون.
لە ١٦ی کانوونی یەکەم لافاوێکی تر لە هەولێر هەستا و بەو هۆیەوە ١٢ کەس گیانیان لە دەستدا و دەوترێت بەپێی خەمڵاندنەکان، ٢١ ملیار دیناریش زیانی ماددي هەبووە.
بەرپرسیارانی روودانی ئەو کارەساتانە، کە لە ماوەیەکی کەم دا بەهۆی بارینی بارانی بە خۆڕەوە روودەدەن، بۆ گەندەڵی لە پرۆژەکانی رێگاوبان و کەرتی دروستکردنی خانووبەرە و بیناسازی لە شوێنی نەشیاو و گرتنی رێڕەوەکانی ئاو دەگەڕێتەوە. ئەو پلان و پرۆژانەش لەلایەن کەسانی سەر بە دەسەڵاتەوە ئەنجام دەدرێن و هاووڵاتییان باجەکەى دەدەن.
ژ.ت