دوای خۆپیشاندانەکانی رەوتی سەدر لە ٣٠ی تەمووز لە بەغدا، شاسوار عەبدولواحید سەرۆکی جووڵانەوەی نەوەی نوێ رۆژی چوارشەممە داوای لە هاوڵاتیان و لایەنگرانی کرد کە لە باشوری کوردستان خۆپیشاندان ئەنجام بدەن. لەسەر بانگەوازی شاسوار عەبدولواحید لە ژمارەیەک شار و ناوچەی باشوری کوردستان خۆپیشاندان ئەنجامدرا.

بەپێی زانیاریەکان، هێزەکانی ئاسایش، هێرشیان کردووتە سەر خۆپیشاندەران لە هەولێر و سلێمانی و بە دەیان کەسیان دەستگیرکردووە.

تائیف گۆران بەرپرسی نووسینگەی ئێن ئاڕ تی لە دهۆک، بڕیار نێروەیی پەیامنێری ئێن ئاڕ تی لە دهۆک، ئارام حسێن بەرپرسی نووسینگەی نەوەی نوێ لە دهۆک و رۆژنامەنووس ئەیوب وەرتی  لەلایەن هێزەکانی پەدەکەوە دەستگیرکراون.

جوڵانەوەی نەوەی نوێ بڵاویکردووەتەوە، حەوت پەرلەمانتار و ٣٥ چالاکوانیان دەستگیرکراون.
ف.ق