بەبۆنەی ٨٨هەمین ساڵیادی کۆمەڵکووژیی دێرسیم لە شاری بازڵی سویسرا چالاکی بیرهێنانەوە ئەنجام درا. فیدراسیۆنی عەلەوییە دیموکراتیکەکان (فەدا)، کۆنگرەی بونیاتنانی دێرسیم (دیک) و ناوەندی کۆمەڵگەی دیموکراتیکی کورد لە بازڵ (نەجەدەکە) چالاکییەکەیان ئەنجام دا.

چالاکییەکە لە هۆڵی کۆنفرانسی نەجەدەکە بە خولەکێک ڕێزگرتن لە شەهیدان دەستیپێکرد و پاشان پیر عەلی ماتوور مۆمی بیرهێنانەوەکەی داگیرساند و بەشداربووان سەرنج و پەیامەکانی خۆیان دا.

وتەبێژی فەدای سویسرا سونگول چەلیک ئاماژەی بە سیاسەتی کۆمەڵکووژی دەوڵەتی تورکی داگیرکەر لەسەر عەلەوییەکان، کوردان، ئەرمەنی و هەموو شوناسە جیاوازەکان کرد و گوتی: "ئاشتی پێویستی بە قوربانی دان هەیە. دوێنێ سری سوورەیامان لە دەستدا. سەری ڕێز لەبەردەم بیرهێنانەوەی دادەنەوێنین. ئەو کەسانەی لە دێرسیم شەهید کران بە خۆشەویستی و پێزانینەوە بە بیردێنینەوە."

دواتر ئەندامی یەکێتی ژنانی کوردی سویسرا (یەژەکە-سە) ئۆزەن ئایتاچ سری سوورەیا ئوندەری بیرهێنایەوە و گوتی: "ئامانجە تەواونەکراوەکانی ئۆندەر لە پێناو ئاشتییدا دەگەیەنین بە سەرکەووتن."

لە کۆتایی پەیامەکاندا، ئەندامی دیک، حوسێن بەرکان ئاماژەی بەوەدا کۆمەڵکووژی هێشتا بەردەوامە و بانگەوازی خاوەندارێتی کردنی لە کۆمەڵکووژی دێرسیم کرد.

لە بیرهێنانەوەکەدا سینەڤیزیۆنک نیشان درا و بە بەرزکردنەوەی دروشم کۆتایی هات.