دەزگای لوتکە بۆ كاروباری ئاوارە و پەنابەران بڵاوی كردەوە، ئێوارەی دوێنێ لە دارستانی دانکیخی  وڵاتی فەرەنسا دوو کۆچبەری کورد کوژران، دەشڵێن، ئەو دوو هاوڵاتییەی كوژراون بریتین لە كارزان عەبدوڵا و محەمەد نەجم و خەڵی شارۆچكەی كەلارن لە سنووری ئیدارەی گەرمیان.

لە درێژەی ڕاگەیاندراوەکەدا هاتووە: " ئێوارەی دوێنێ لە ئەنجامی کێشەیەک لە نێوان ژمارەیەک کۆچبەردا لە دارستانی دانكیخ لە وڵاتی فەڕەنسا شەڕە تەقە دروستبووە و بەهۆیەوە دوو گەنجی کورد بە ناوەکانی کارزان عەبدوڵا و محەمەد نەجم كوژراون."

هەر لە ڕاگەیاندروەکەدا ئاماژە بە ناو  و تەمەنی قوربانییەکان کراوە و هاتووە: " هەردوو گەنجە کوژراوەکە خەڵکی شارۆچكەی کەلارن لە سنووری گەرمیان و یەکێک لە کوژراوەکان بەناوی كارزان عەبدوڵا پێشتر یاریزانی یانەی شێروانە بووە."

لە کۆتاییدا هاتووە: "دواتر پۆلیس گەیشتووەتە شوێنی ڕووداوەکە و گەنجێکی ١٧ ساڵانیان لە کامپەکە دەستگیرکردووە، کە چەکی کڵاشینکۆفی پێ بووە و تا ئێستاش لێکۆڵینەوە لەوبارەوە بەردەوامە."