لە شاری مارسیلیای فەڕەنسا بە درووشمی "ڕێبەرێتی ئازادی  و کوردستانی ئازاد" چالاکییەکی جەماوەری ڕێکخرا. لە چالاکییەکەدا کە بە پێشەنگایەتی گەنجانی کورد و ئەنتەرناسیۆنالیستەکان ئەنجام درا، بانگەوازی 'ئازادی بۆ ڕێبەر ئاپۆ و کوردستانی ئازادی' بەرزکرایەوە. چالاکییەکە لە لایەن بزووتنەوە چەپەکانی فەڕەنساوە پشتگیری لێکرا.

لە چالاکییەکەدا گەنجان بە زمانی فەڕەنسی دەربارەی پارادایمەکانی ڕێبەر ئاپۆ زانیارییان بەخشییەوە و  جەخت لەسەر سەرلەنوێ ڕێکخستنبوونەوە لەسەر بنەمای پارادایمەکان کرایەوە.

بەرپرسیارێتی گەنجان لە ئاست بانگەوازییەکەی ڕێبەر ئاپۆ

لە چالاکییەکەدا مانیفێستۆی ئاشتی و کۆمەڵگەی دیموکراتیکی ڕێبەر ئاپۆ سەرنجی خرایەسەر و گەنجان مانیفێستۆکەیان بۆ دەستپێکردنی تێکۆشانیان وەک خاڵێکی وەرچەرخان هەڵسەنگاند. هەروەها باس لەوەشکرا مۆدێرنێتەی سەرمایەداری گەنجان پەلکێشی کولتوورێکی تاریک دەکات و بانگەوازی بەرخۆدان لەدژی ئەسمیلاسیۆنی گەنجانی کورد لە ئەورووپا کرا. هەروەها لە چالاکییەکەدا ئاماژە کرا  بەوەی پێویستە گەنجان لە ڕێکخستنبوونی کۆمەڵایەتییدا بەڕۆڵی خۆیان هەستن.

پشتیوانی ئەنتەرناسیۆناڵ

نوێنەرانی بزووتنەوەی چەپی فەرەنسی؛ ژنۆلۆژی  و La France Insoumise ئاماژەیان بەوەدا گەنجانی کورد پەیوەستن بە بەهای گەردوونییەوە و پەیامی پشتیوانی خۆیان بۆ گەنجانی کورد دەربڕی.

چالاکییەکە بە گووتنەوەی درووشمەکانی "بژی ڕێبەر ئاپۆ" و "گەنج فیدایی ڕێبەر ئاپۆیە" کۆتای هات.