کوردستانیان و دۆستانیان لە شاری ستۆکۆڵمی سوید لە گۆڕەپانی سەرگەلس تۆرگ کۆبوونەوە و هێرشەکانی دەوڵەتی تورکی داگیرکەر و چەتەکانی لەسەر ڕۆژئاوا و باکوور و ڕۆژهەڵاتی سووریایان شەرمەزار کرد.

لە چالاکییەکەدا دروشمی "بکوژ ئۆردۆگان” دەوڵەتی تورک ڕۆژئاوا بەجێ بهێڵە"یان بەرزکردەوە.

بەرپرسی کاروباری دەرەوە و ئەندامی پەرلەمانی پارتی چەپ، هاکان سڤێنلیگ، لە چالاکییەکەدا قسەی کرد و وتی: کورد لە دژی  داعش شەڕی کرد، کە بوو بە  بەڵای جیهان. دەوڵەتی تورک داعشی وەرگرت و ویستی کورد و دەستکەوتەکانی لەناو ببات. دەوڵەتی سوید بەردەوام بوو لە هاوکارییەکانی لەگەڵ تورکیا و کوردەکانی کردە قوربانی بۆ ئەندامبوون لە ناتۆ. ئێستا دەیەوێت هەیئەی تەحریر ئەل شام کورد لەناو ببات”.

چالاکییەکە بە دروشمی "بژی بەرخۆدانی ڕۆژئاوا" و "ژن، ژیان، ئازادی" کۆتایی هات.

کۆڵن

هێرشە داگیرکارییەکانی سەر ڕۆژئاوا لە شاری کۆڵنی ئەڵمانیا بە چالاکییەک شەرمەزاکرا و لە چالاکییەکەدا ئاڵای یەپەگە و یەپەژە بەرزکرانەوە و بەردەوامی دوورشمی "بژی بەرخۆدانی ڕۆژئاوا" وترایەوە.

لە چالاکییەکەدا لەسەر ناوی تەڤگەری ژنان، شیلان ئەرگین بە زمانی ئەڵمانی قسەیکرد و لەشکرکێشییەکانی سوپای تورکی لەسەر خاکی کوردستان شەرمەزار کرد.

ئاخن

لە درێژەی شەرمەزاکردنی هێرشە داگیرکارییەکانی دەوڵەتی تورک و چەتەکانی بۆ سەر ڕۆژئاوا، کوردان و دۆستەکانیان لە شاری ئاخنی ئەڵمانیا چالاکییان ئەنجامدا.

لە چالاکییەکەدا ئاڵای یەپەگە و یەپەژە بەرزکرانەوە و بەردەوامی دوورشمی "بژی بەرخۆدانی ڕۆژئاوا" وترایەوە.

دواتر لەسەر ناوی پەیەدە و خوێندکارانی ئەنتەرناسیۆنالیست لێدوان درا و بانگەوازی بۆ پاراستنی شۆڕشی ڕۆژئاوا کرا.