لەبەردەوامیی هێرشە سەربازیەكانی روسیا بۆ سەر ئۆکراینا، یەنس ستۆڵتنبێرگ، سكرێتری گشتیی ناتۆ جەختی لەسەر ئەوە كردەوە، كە شەڕی روسیا لە دژی دراوسێیە رۆژئاوایەكەی خۆی، دەربازی قۆناخێكی چارەنووسساز دەبێت و رەنگە ئەم شەڕە بەساڵان بەردەوام بكات.

سكرتێری گشتیی ناتۆ لە كۆنفرانسی راگەیاندنی چوارشەممە، ٦ی نیسان باسی لەوەکرد، رەنگە شەڕی ئۆکراینا بۆ ماوەیەكی درێژ بەردەوام بێت و جەختی لەسەر كاریگەرییە خراپە درێژمەوداكانی ئەم شەڕە كردەوە و دەڵێت: "ئێمە رووبەرووی هەلومەرجێكی ئاسایشی نوێ بووینەتەوە، كە روسیا سەپاندوویەتی بەسەر باكوری ئەوروپادا".

ستۆڵتنبێرگ راشیگەیاندووە؛ رەنگە هێرشێكی بەرفراوانی روسیا بەرامبەر بە باكوری ئۆکراینا پێكبێت و هێزەكانی روسیا بە بەئامانجگرتن و كۆنترۆڵی هەرێمی دۆنباس و پەیوەستكردنی ئەو هەرێمە بەكریمیەوە، پێگەی سەربازی خۆی بگۆڕێت و سەرقاڵی داڕشتننەوەی دووبارەی سەربازین.

ستۆڵتنبێرگ راشیگەیاندووە؛ كییڤ پێویستی بەهاوكاریی سەربازیی بەپەلە هەیە و ناتۆش بابەتی پشتیوانی لە ئۆکراینا بەچەكی پێشكەوتوو دەخاتە رۆژەڤی خۆیەوە.

ژ.ت