لە شاری ستراسبورگ بە پێشەنگایەتی دەستپێشخەری ئازادی بۆ عەبدووڵا ئۆجالان لە ٢٥ی حوزەیرانی ٢٠١٢ لەپێناو ئازادی جەستەیی رێبەری گەلی کورد عەبدوڵا ئۆجالان و کۆتاییهێنان بە گۆشەگیری چالاکی 'ئێشکگریی ئازادی' بەڕێوەدەچێت، چالاکییەکە ٦٢٥ هەفتەیە بەردەوامە.

کوردانی ئەوروپا و دۆستەکانیان، هەموو هەفتەیەک چالاکیەکە بەڕێوەدەبەن، بۆ ئەم هەفتەیەش گروپێک لە شاری بۆننی ئەڵمنیاوە هاتوون و چالاکیەکەیان وەرگرت.

گرووپەکە پێکهاتبوون لە ڕۆژین شیمشەک، عەگید وەسفی، پیران عەفرین و جاوید ڕۆژهەڵاتی.

چالاکیەکە لە ٢٥ی حوزەیرانی ٢٠١٢ەوە لە فەرەنسا بەردەوامە، گرووپەکە گۆشەگیری سەر ڕێبەری گەلی کورد عەبدوڵا ئۆجالانیان شەرمەزارکرد و وتیان: "ئازادی ڕێبەرێتی، مسۆگەرکردنی ئازادی ئێمەیە. هەتا وەکو ڕێبەرێتی ئازاد نەبێت، نابێت گەنجانی کورد دەستبەرداری تێکۆشان ببن."

هەروەها بانگەوازییان کرد بۆ بەرفراوانکردنی تێکۆشان و خاوەندرایکردن لە چالاکیەکە.