ئەڵمانیا فێستیڤاڵی كولتوورییش قەدەغە کەرد
جە ئەڵمانیا فێستیڤاڵی کلتوری کوردی کە بڕیار بێ جە شارو دینسلاكن-ی ئەنجام بڎریۆنە، قەدەغە کریا.
جە ئەڵمانیا فێستیڤاڵی کلتوری کوردی کە بڕیار بێ جە شارو دینسلاكن-ی ئەنجام بڎریۆنە، قەدەغە کریا.
پلاتفۆرمو عەفرینی، کە ڕێکۋزو فێستیڤاڵی كولتوورییهن ئاشکراش کەرد: حكومهتو ئهڵمانیای فێستیڤاڵی كولتووری، کە بڕیار بێ ٨ ئهیلوولی\١٧ خهرمانانی جە شارو دینسلاكن-ی ئەنجام بڎریۆنە، قەدەغەش کەردەن.
پلاتفۆڕمهكه، كه نزیكه بە ١٠٠ پارتێ سیاسیێ و ڕێکۋستێ گلێرگەی مەدەنی جەوێش مەگێرۆنە، سەبارەت بە قەدەغەکەردەکەی ناڕەزایەتیش نیشانەدا و دەستنیشانش کەردەن: ئێمە چوون پلاتفۆڕمو عهفرینی، كه ٩٣ ڕێكۋزیێ كورد، تورك، ئاشووری-سوریانی، ئهرمهن، ئێزدی، عهلهوی، مهسیحی، موسوڵمان، ژەنی و گەنجان جە وێش مەگێرۆنە و گوزارە جە ویر و دیدی جیاۋازی مەکەرۆنە، بڕیارەکەی بە سیاسی مزانمێنە و دەرنجامو پەیوەندی چەپەڵو تورکیا و ئەڵمانیایەن. هاموەخت قەدەغکەردەکەی پەیۋەستەن بە سەردای ئەردۆغانی پەی ئەڵمانیای. ئەڵمانیا پی بڕیارەیە نیشانەداۋە کە پەی بەرژەوەندی وێش کوردی مەکەرۆنە قوربانی حقوق و یاسا و ڕێساکانو وێچشان. ئەڵمانیا گەرەکش نییەن پەیوەندیش چەنی تورکیای ببڕۆنە، پۆکەی سەودا و مامەڵە و بازاری بە کوردی مەکەرۆنە و بڕیارەکە خزمەت بە ئەردۆغانی و سیاسەتو قڕکەردەی کلتوری و سیاسیەکانیش مەکەرۆنە و بە ماناو پەشتیۋانی کەردەیەن جە داعشی و ڕاستە ڕاست دژایەتی کەردەی ئازادی و دیموکراتییەن.
پالاتفۆرمەکە ئاشکراش کەردەن: ۸ ئەیلولی پەی شەرمەزارکەردەی بڕیارەکەی و هاموەخت ئازادی ڕێبەر ئۆجالانی میتینگ ئەنجام مڎانە و بە فەرمی داۋا مۆڵەتیشان کەردەن.