ته‌مه‌للی: موخاته‌ب جە ئیمڕاڵیی-ـەن
سه‌زای ته‌مه‌للی هامسەرۆکو هەدەپەی دەستنیشانش کەرد: ئیمرالی یاگێ دیداریەنە و ئۆجالان موخاتبەن و پێسەو هەدەپەی پەشتیۋانی چانەیە مەکەرمێنە.
سەزای ته‌مه‌للی هامسەرۆکو گردیی هەدەپەی بە یاوەری کیاستێۋ جە پارتەکەیش، جە ئەنقەرە سەردای دلێگەی گردیی سەندیکاو کرێکارانو خزمەتیش کەرد کە سەر بە شارەۋانیەکان و چاگەۋە ۋاتش: "پێۋەرە قەیران و کێشەکان چارەسەر مەکەرێمنە و ڕاچارەشان پەی منیێمێرە. جە هۆرۋچنای شارەۋانیەکانە سەرکەوتەی مسۆگەر مەکەرمێنە و کۆتایی بە قەیومەکانو ئاکەپەی ماۋەرمێنە. کۆشای ئێمە کۆشای ئازادی و دیموکراتییەن، کۆشای دیموکراتی کۆشای ڕەنجبەر و کرێکاریەن. با پێۋەرە خەبات بکەرمێ و بکۆشمێ".
سه‌زای ته‌مه‌للی هامسەرۆکو هەدەپەی دەستنیشانش کەرد: "نامونیشانو چارەسەری ئیمرالییەن، ئیمرالی یاگێ دیدارەکان و بەڕێز ئۆجالان موخاتەبەن پێسەو هەدەپەی پەشتیۋانی چانەیە مەکەرانە. مشیوم بزانیۆنە کە ئیمرالی موخاتەبەن و چاگە کێشێ و قەیرانەکێ چارەسەرێ مەکریانە. ئەگەر گەرەکمانە ئاشتی بەدی بەیۆنە و دیموکراتی یاگەگیر ببۆنە، مشیۆم دۆزو کوردی چارەسەری بکریۆنە. بەڵام دەسەڵاتدارێ ئیسەو تورکیای ئانەشان گەرەک نییەن، جەنگەرانێنێ و جەنگشان گەرەکەن. پۆکەی پێۋیستەن پێۋەرە و بە کۆشای هامبەش کۆتایی پینەیە باۋەرمێنە و پەی ئاشتی دەنگ بەرزکەرمێۋە".
