جەوانێ پاۋە شاری چالاکیشان پەی ۳ شەهیدێ کۆداری ئەنجام دا
جە پاۋە شارو هەرێمو هەورامانی بەبۆنەو شەهیدبیەی ۳ گەریلێ یەرەکەی کە سەر بە کۆداریەن، جەوانێ شارەکەی چالاکیشان ئەنجام دا.
جە دمای ئانەیە ئاشکرا بی جە هەرێمو سنەی ۳ جە فەرماندەکانو یەکینەکانو وەرهۆرزۊ کوردستانی-( یەرەکە ) کە سەر بە گلێرگەو ئازاد و دیموکراتی ۋەرهۆرزو کوردستان(کۆدار)یەن بە نامەکانو (ئارگەش کارزان خەڵکو کامیارانی، تۆلهەلدان سنە و دلۆڤان فیدایی خەڵکو سەردەشتی) شەهیدێ بیێنێ، ڕۊ شەممەی جە پاۋە شارو هەرێمو هەورامانی بە چالاکی خاوەنداریشان ۋنە کریا. چالاکیەکە جەوانانو شارەکەی پنەش هۆرئێستێنێ و بە نویستەی درۊشمێ و هورئاۋێزانی وێنەکانو هەر یەرە شەهیدەکەی جە کوجییەکانو "فەرمانداری، چالڵەو حەسەن خانی، مەیدان دەرەو خانەگای" دڵسۆزی وێشان پەی شەهیدەکان نیشانە دان.
یاگێ باسینە کە جە هەمان رۊچ یانو شەهید ئارگەش گارزانی جە کامیاران، پەرسە و سەرەوەشی پەی یەرە شەهیدەۆەی نرایانەرە و سەرەراو وۋەرگێرتەی، تۆقنای و فشاری فرەی جەلاو ڕژێمی، بەڵام هەزاران کەسێ بەشدارێ پەرسەکەی بیێنێ و دڵسۆزی وێشان پەی ڕێبازەکەیشان دووپات کەردەنەۋە.
گلێرگەی ئازاد و دیموکراتی ۋەرهۆرزو کوردستان-(کۆدار)، ڕۊ شەممەی ۋیەردەی بە ۋەڵاکریا ئاشکراش کەردەبێ، کە ٣ گەریلێ یەرەکەی بەنامەکانو ئارگەش کارزان، تۆلهەلدان سنە و دلۆڤان فیدایی، ٧ ئەیلولی/١٦خەرمانانی، جە جەنێۋەنە جە سنەی چەنی هێزەکانو ئێرانی کە شەهیدێ بیێنێ و ئانێچە هاموەخت بیەن چەنی جەداردای ڕامیان، زانیار و لوقمان و موشەکبارانکەردەی کەمپەکان حدک و حدکای جە کۆیە.
