جە ئاگری و جۆله‌مێرگ ١٩ سه‌ربازێ توركیای کوشیێ
جە ئاگری و جۆلەمێرگ گەریلا گورزی قورس جە دوژمنی داۋە و جە ئاکامشەنە ۱۹ سەربازێ کوشیێنێ و ۱۰ سەربازێ تەرێ بریندارێ بیێنێ. ۋەڵتەریچ جە بارزان و لێلکان و چەلێ ۱٥ سەربازێ داگیرکەرێ کوشیێ بێنێ.
جەی بارەۋە ناوەندو یاۋنەری هێزەکێ پارێزنای گەلی-هەپەگە ۋەڵاکریاش دان و ئاشکراش کەردەن:
"جە ۰۸/۱۱/۲۰۱۸ سەعات ۱۷:۰۰و ۋێرەگای، جە بەرزایی برنێ ڕەش-و سەر بە شارچەو بایزیدی کە سەر بە پارێزگاو ئاگری-یەن، گەریلاکێ هەگەپەی و یەژەئا ستاری دژ بە هێزە داگیرکەرەکانو تورکیای چالاکیشان ئەنجام دان. جە چالاکییەکەنە ۲ پەناگێ و ۲ سەنگەرێ دوژمنی خاپورێ کریێنێ و هەری کەم ۱۰ سەربازێ کوشیێنێ و ۱۰ تەریچ بریندارێ بیێنێ. دمای چالاکییەکەی هێزە داگیرکەرەکێ بە تۆپێ و هاۋەنێ بێسەروبەر ناوچەکەشان تۆپۋاران کەردەن و کوشتێ و بریندارەکێش بە هەلیکۆپتەری سکۆرسکی فاڕێنێۋە".
"هەمان ڕۆچ جە بەرزایی خەرەگۆڵ-و سەر بە ناوچەو چەلێ-و جۆلەمێرگی، گەریلاکێ هەپەگەی و یەژەئا ستاری جە ۲ قۆڵێۋە دژ بە سەربازە داگیرکەرەکانو تورکیای چالاکیشان ئەنجام دان. چاگێچە ۳ سەربازێ کوشیێنێ و ۱ سەربازیچ بریندار بییەن. دمای چالاکییەکەی هێزە داگیرکەرەکێ دوژمنی بە تۆپێ و هاۋەنێ بێسەروبەر ناوچەکەشان تۆپۋاران کەردەن.
ڕووێ ۋەڵتەر جە ۰۷/۱۱/۲۰۱۸ی سەعات ۱۲:۳۰ دەیەقێ نیمەڕۆی، جە ملە و بەرزایی شەهید ڕەحیمەی کە سەر بە ناوچەو گەڤەرو جۆلەمێرگی-یەن، گەریلا جە ۲ قۆڵێۋە چالاکی کاریگەرشان دژو دوژمنی ئەنجام دان و بەهۆشەۋە ٦ سەربازێ کوشینێ و زیانی مادی فرە جە دوژمنی دریان. چاگێچە بەهەمان شێۋە دمای چالاکیەکەی دوژمن بێسەروبەر ناوچەکەش بۆردومان کەردەن".
یاگێ بەیاد ۋستەیەن کە ڕۆو ۰۷/۱۱/۲۰۱۸ی جە بارزان و لێلکان کە سەر بە پانیشتو کوردستانیەنێ و جە چەلێ کە سەر بە سەرنیستو کوردستانیەن، جە چالاکی گەریلاکانو هەپەگەی و یەژەئا ستار-یەنە لانی کەم ۱٥ سەربازێ دوژمنی کوشیێ بێنێ.
