جە ئەوروپا چالاکییەکێ پەی ئازادی "عەبدوڵا ئۆجالان ڕێبەرو گەلو کوردی" درێژەشان هەن و جەی چوارچێۋەنە ۳شەممە ۲۳ ئۆکتۆبەری جە سوید، فەڕەنسا و ئەڵمانیا کوردێ و دۆستەکێشان مێڎانەنە بێنێ.

سوید-ستۆکهۆڵم

جە شارو ستۆکهۆڵم-و پایتەختو سویدی، بە پێشەنگی، دلێگەو کۆمەڵگەی دیموکراتی کوردی، یەکیەتی ژنانو سارای وگەنجێ ئازادێ، سەعات ۱۸:۰۰ وێرەگاو ۳ شەممەی جە مێڎانو نورابانترۆگەتەی گلێربییەی ئەنجام درا و دمایی تا مێڎانو  نورمالمۆستۆرگەی ڕاپیمای بەمەشغەڵێ بریاڕاۋە. جە گلێربییە و ڕاپیمایەکەنە دروشمەکێ " ئازادی پەی ئۆجەلانی، ئاشتی پەی کوردستان"، " ئۆجالانی ئازاد بکەردێ"، " فاشیست ئەردۆغان"، " ئۆجەلان گەلەن و گەل ئۆجەلانەن" و "بژی سەرۆک ئاپۆ" و شەهێدێ نەمرێنێ و ڕێباشان بەردەۋامەن ۋاچیێۋە.

سوید-بورلانگێ

هەر جە سوید بەڵام جە  شارو بورلانگێ-ی بە سەرپەرشتی گەنجێ ئازادێ  بە دروشمو " ئازادی پەی ئۆجەلانی، ئاشتی پەی کوردستان"ی چالاکیشان ئەجام دا و دلێشەنە داۋا هەرچی زووتەر ئازادیی ڕێبە ئۆجالانی کریا و جەخت کریاۋە تا ڕێبەر ئاپۆ ئازاد نەکریۆنە گەنجێ کوردی و ئازادیۋازێ دەستبەردارێ چالاکیی نمەبانە.
 
کۆڵن-ئەڵمانیا

جە شارو کۆڵن- ئەڵمانیای بە پێشەنگی و سەرپەرشتی گەنجێ شۆڕشگێڵێ شارەکەی، پەی سەرنج ۋستەی سەرو گۆشەگیری ئیمرالی و ئاگادارکەردەی ڕایی گردی جە چارەنویس نادیاری ئۆجالانی چالاکیی ئەنجام دریا.جە چالاکییەکەنە ۋێنێ ڕێبەر ئۆجالانی و پۆستکارتێ هۆرئاۋێزیێ و ۋەڵاکریێ سەبارەت بە گۆشەگیریەکەی ۋەڵێ کریێۋە.

پاریس-فەڕەنسا

جە بانلەیۆیا-و پاریس-و پایتەختو فەڕەنسای بە هەمان مەبەست، جە سەرۋێرەگاۋە تا شەۋێ جمیەرو گەنجانو شۆڕشگێڵی ڕاپیمای بە مەشغەڵشان بەردڕاۋە و گۆشەگیری ئیمرالیشان شەرمەزار کەرد و داۋا کریا چارەنویسو ڕێبەر ئاپۆی ئاشکرا بکریۆنە و بەخێرایی زەمینەی پەی ئازادکەردەیش فەراهەم بکریۆنە. ڕاپیمایەکە بە کۆبییەی و وەنەی بەیاننامەی و چڕیەی دروشمەکانو" ئازادی پەی ئۆجەلانی، ئاشتی پەی کوردستان" و " بێ سەرۆکی ژیۋای نمەبۆنە" کۆتاییش ئاما.